Epesasi 2:3 - BAṈARA KO VAIRU AMA LEVELEVEO

³ Melai koko paloasako taku kale animea kiada mela ta se kekai saevako saevo jaria saevo me eve. Ni animeko elo kale animeta meqai zariovi zoleko animeko saevo boutare kale, ni animeta me lulueke animeko tupu ni kerukeru kokai zariako quli. Ni animeta meda tolailo nio vo Baṉara ko korakorailo kale me ṉaviko kalo kale sole, omadeuvo sea ruqe ama maba poso jari.

Epesasi 2:3 Marejeleo ya Msalaba

Maka 4:19

melai seko riteraite kai elo komia miduku kale ama saevo ni seko roqueko ko batiro ni edoloma quli kai zario ta ko pirieka koa bazu omadeuvo rikosasana ta ko pirieka ko sisu jari, so sole koa bazubazu ta pui ko rovea qotupo ni pui ko epamata seko saevo kale.

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Iruruputo 14:16

Lulali vota o zarieme sea qoqono poso tu seta ke lulueko ke ṉaviṉavi ko keve poso.

Romu 1:24

So sole vo Baṉara ta o vaema se seko ruqe ama kerukeru ni vatolo sama bulo sate, tu ke ereko ko quraqurati ama quli seko pauvekinio kale, kiola.

Romu 11:30

Lulavo me pui Jiu amu mela ta me bikoirive vo Baṉara; melai erisaṉa meta me qoa ko roquano ako se Jiu amu ta ke bikobikoirata sole.

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Romu 2:14

Se pui Jiu amu ta puliama koa Bazu samu, melai ke kati vaila keru koa Mosese ko Bazu kikolani, seta kebe lulueka koa Bazu, puliama Mosese ko Bazu samu melai.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 5:9

Vota o mela vovi tu animeta sidopu me elo vo Baṉara ko kelokelozato kale, sole matu olu vokale tu me bakiovou vo Baṉara ko korakorailo kasi azo voko matuma titizato ko ṉaniu kale.

Romu 6:12

Meta pui zarieko ko sarueko tu kota lekasa ko elo meko miduku kale ama saevo kale, ni meta pui zoriko ko sarueko ko vatolo kikolani.

Romu 7:18

A vakakuka ta ko sidopu ta puliama aṉako tupu kale ama saevo kale. Ako sidopu ko ereko ko vatolo ta kobe elou aṉa tona melai, aṉata pui a roveovou ereko ko.

Romu 9:22

So jari nio mata vo Baṉara o erekema quli ko tuveano. Vota oka zariovi puratiko voko korakorailo tu voko pizato ta ko kasa puilo. Melai vota inobea taremo o evake se vo omai korakoraivani, se heli kale tolailo ko male amu.

1 Koriniti 4:7

Ako lala inio raura o iṉe ṉo edolomu kasi azo? Ni pui vo Baṉara inio o katiṉeni ṉo kiadama quli ko ṉoṉo ṉeamukako quli, kio? Zio, vokasi azo inio ṉo qoe koa kiadama, nio noi sole inio ṉota ṉoda aikaiva, ni ko quli ṉoṉo ṉeamukako ta pui katizato jaria kerukerueko ṉo eva?

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

1 Tesalonaika 4:13

Ṉe visi ni ṉe qaka poso mela, eṉeta ṉe melai zaria me tu meta meqai nianiiovou koko tuveano se lula ke vouvani seko lotu saevo kale ko, tu meta pui duki me elou, se pui kekai zuatani ko aukale ama saevo jaria duki elo kale.

1 Tesalonaika 5:6

Animeta me darekou vo Jisu ko vaito ni inobe me elou tu pui kake maba poso seke maroṉani jari me qalou.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

1 Jone 2:16

Ako komi kio komia peuru ma peuru kale ama ruqe poso: ruqe ala maba ko kiadailo sama zario poso, ni viluloqu kai elo ko quli vo pui o ṉeamukako quli, ni kai aikailo vo o ṉeamukako quli. Ni komia kiadama quli ta pui ko kuevako animevo Mama Baṉara kasi azo, melai kota komia peuru ma peuru ko quli.

1 Jone 2:8

Melai komia bazu aṉa a mela rikiekako tu meme ereko ama ta mata vairu ama ikio, ako ko kutumana ta kota paloasa ni tuvevo ama zakaremu ta lula kota taloa sole. Kota ko tuvevo pui Jisu kale ni kota tuvevo ko eva me ṉavi kale.