2 Timoti 1:7 - BAṈARA KO VAIRU AMA LEVELEVEO

⁷ Ako vo Baṉara ko Auvana ko lula o katimelako anime ta pui ko ṉavaemelako ikio sole, melai kota ko melai sukatika ko pizato, ni roquano ni kaitizio.

2 Timoti 1:7 Marejeleo ya Msalaba

Luke 10:19

Viqomo! Aṉata lula a qatimela ko pizato tu meta meda roveovou lojo dole poso topi ni sikupetala poso topi ni me rovea koqotaeko kiadama Setani ko pizato, sole pulia quli ta tapata kopa imelou me.

Luke 15:17

Ni koko tova inio vota o tova kerukerutake, nio eri kiolake, ‘Kei, kiadama a mama ko nabulu poso ta matu kubo sailao samu, melai aṉa koi ta luapole sipole ada vouvou!

Luke 24:49

Ni aṉa inio a melai soroevou vo Tabu ala Auvana, vo aṉavo Mama o mela inainaeveni me. Melai meta me daruanou Jerusalema peuru kale ti kobe melai barolou koa pizato aukale azo ko kilo ama me tona,” ma kiolake.

Luke 8:35

Nio saizama maba poso ta ke olake kelole koko ereilama quli, ni so keru seke baroa keru sai Jisu kasi, seta ke veake voa maba vo ziolo lula kota va akoivani ta obeta papuake Jisu ko kiti kasi, uria saboilola ni voko kerukeru ta lula uri kovai evani. Ni sea kiadamu ta keta matu ṉake.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Iruruputo 26:11

Kubo taku ta aṉa inio a lipilipiteni lala animeko ilusato ko pade poso kale koqotaemelo se, ni aqa zariani lala zuzuemo tu seta keta ka zolio seko oqu. Aṉata amai matu iqaike se so sole aṉata a qeveni lala edoloma peuru poso kale pui Jiu ama peuru poso kale tu sai melai a naquemo sea pitasa maba madu.

Iruruputo 26:25

Melai Paula ta eri kiolake, “Aṉata pui a jarubeputa, matula Qavuna Fesitasi ṉa. Aṉata inobea pesio aqai eva ko tuveano.

Iruruputo 6:8

Nio voa Sitiveni, vo Tabu ala Auvana ko pizato kovai sukatani ni Baṉara ko mauruto sala maba, ta o erekake matu piza kama ni aqasiele ama iruruputo maba poso kasi.

Iruruputo 9:22

Melai Saula ko bazubazuto ta matu ti matu piza kota evake, ni voko tuvevo iko vo Jisu ta vo Baṉara o soroevani Pakio nio kio ta matu niuniala ko imake se Damasikasi ke evani Jiu amu so sole seta pui ke roveake pizato seko vati zolizoliekinio kale vo.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

1 Koriniti 2:4

so sole aṉako nianiiekato ni bazubazuto ta pui kama aṉako matuma nianiio kale, melai kota ko tuvevo pui Tabu ala Auvana ko piza kama iruruputo kale.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Kolosi 1:8

Vota lula o qelai bazueka eqe meko roquekinio Tabu ala Auvana o katimelako.

Hiburu 2:15

Koa keve kale Jisu ta o rupasimelake anime mabaku me eveni mela animeko pado ama saevo kale vou taka ṉalo kale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Jone 4:18

Ako sai vo Baṉara ko roquano ko evakoi, sai ta puliama ṉalo, ako vo Baṉara ko roquano ta ko ṉamuka sole ko ṉalo. Ako ko ṉalo ta koqotato ko ranama quli kio sole, ni pui roquano ko ranama. Sole vo o ṉalo ala ta vo Baṉara ko roquano ta pui nio ko okota voa maba o ṉavani tona.