2 Timoti 1:4 - BAṈARA KO VAIRU AMA LEVELEVEO

⁴ Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

2 Timoti 1:4 Marejeleo ya Msalaba

Jone 16:22

So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Iruruputo 20:19

Kiadama aṉako zarazarailo ni kubo aṉako deumu sate aṉata a erekake aṉako iruruputo aṉako va nabuluputo kale vo Baṉara koa tapata kama taku poso kale koko baroima aṉa kasi se Jiu amu ko la abamato kale sole.

Iruruputo 20:31

So sole vailomo, ni kerukeruekomo aṉako nianiiekimelo mea kiada mela kubo deumu sate ipu ni ṉaniu zouke sabere ko poro kale.

Romu 1:11

Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me.

Pilipai 1:8

Ni vo Baṉara melai okai nianiia koko tuveano ta aṉata aqai matu zaria tu a mela lelo me. Ako aṉata a matu roquemela me sole vo Jisu Karisito ko roquano kale.

Pilipai 2:26

Ako vota oka matu zaria tu o mela lelo sole mea kiada mela. Ni vota tiṉoliṉoli ota eva ako meta me viqe ta vota ota verepe sole.

1 Tesalonaika 2:17

Ṉe visi poso mela, eṉeta ṉeda pitasia saita mekasi azo, melai pui eṉeko kerukeru kale. Ako eṉeko pitasio kale mekasi azo eṉeta ṉe matu roquemele me ni ṉe matu madoekake tu mata ṉe mela lelo me.

2 Timoti 4:21

Matu madoeka tu ṉota kua puliako sarosaroro ko taku baro. Iubulasi, Pudenisi, Laenasi ni Kolodia ni so jari sea kiadamu se koizama lotu maba poso ta ke soroeka seko roquano ṉokasi.

2 Timoti 4:9

Matu madoeka taukavole kilo aṉa kasi.

1 Jone 1:4

Sokale avo inio eṉeta ṉe mela rikita me, tu eṉeta ṉe matu zoleilou.

Kelokelozato 21:4

Vota ota ma zautekou kiadama seko deumu seko vilu kale ama. Puliama vou ta kopa elou, ni puliama upotuqu, ni zialo ni tola kopa elou. Ako lulama quli ta lula kota paraka sole,” kikolako.

Kelokelozato 7:17

ako voa Sipi Meqora, vo obeta papuani tianiama papupapu topi, ta sevo vailo ko maba oma elou, ni vota o odiemou se noqola kama saevo ko katimako ju sama orori kasi. Ni vo Baṉara ta ota ma zautekou seko vilu kale ama deumu.”