2 Timoti 1:3 - BAṈARA KO VAIRU AMA LEVELEVEO

³ Aṉata a ilusiva vo Baṉara, vo aṉa ni aṉako taite poso ṉeva nabuluputani eṉeko uri ama vatolo kale. Aṉata a ilusiva vo kiada keru a qerukerueṉa keru ṉo aṉako vararaito kale ipu ni ṉaniu.

2 Timoti 1:3 Marejeleo ya Msalaba

Luke 2:37

Kota roroto ama ko eve sikeura sabere ni kovo lasive ta o vouvake ni naboko ko evake, ni koa taku ta kota siotolu toni ariku sabere ama. Kota kiada keru ko olake Jelepade kale, ipu ni ṉaniu ni ko ilusivake vo Baṉara, ni ko tabutabuake ni ko vararaitake.

Iruruputo 22:3

“Aṉata kala Jiua lala, Silisia ma Tasisi a alileni lala melai a rapukeni lala koi Jerusalema ni Qamelieli inio o nianiiekileni aṉa. Aṉata a qoe animeko taite poso ko Bazu ko nianiiekato ni aṉata lula matu mumuasa puilo aqai eva vo Baṉara va nabuluputo omadeuvo koi me jari komia ṉaniu.

Iruruputo 23:1

Nio Paula ta o toiritoirimake se Kauniseli madu ni eri ma kiolake, “A lolo poso mela, aṉako kerukeru ta maba pui kopa titizile aṉa aṉako va nabuluputo kale vo Baṉara ti kobeta baroa komia ṉaniu kale,” kiolake.

Iruruputo 24:14

Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama.

Iruruputo 24:16

So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.

Iruruputo 26:4

“Kiadama Jiu amu ta kelai nianiia aṉako elo koizama aṉa vairua lala keru azo. Seta kekai nianiia aṉako pado ama elo aṉako saevo kale, kuleto ta a ṉaviko peuru kale ni koko tova ta Jerusalema.

Iruruputo 27:23

Ako raisi ipu kale ta kala pado vo Baṉara vo mateana ta o kuela ana kasi. Aṉata voa Baṉara vo nabulu lala ni a ilusivani lala vo.

Romu 9:1

Aṉata a qasekou ko tuvevo ama quli; tuvevo avole aṉata vo Karisito vo lala sole pui a lipalipatou. Aṉako kerukeru ta ko aveaveiva vo Tabu ala Auvana kale, ni kota tuvetuve ko ila aṉa ta aṉata pui kala lipalipa kalala.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

Qelesia 1:14

Ni aṉata kala matu roverove ala maba lala se Jiu amu ko lotu kale, ni aṉata abe mai paloasake matu kubo madu aṉa kale amu, ako aṉata a matu madoekake tu a lulueko eṉeko taite poso ko vikuvikula bazu sole.

1 Tesalonaika 3:10

Ni ipu ni ṉaniu eṉeta ṉevai zaivota vo tu eṉeta ṉe mela lelo me tu ṉe jidopu puemelo me ni ṉe bizatimelo me meko oqu kale.

1 Timoti 1:19

ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 5:5

Koa naboko koko kiada pado, ko puliala o kati vailako, ta ko noqoiva vai keru vo Baṉara, ni kota ko vararaita ipu ni ṉaniu koko paseko kale voko tauvezato.

2 Timoti 1:5

Aṉata a qerukerueka ṉoko tuvevo ama oqu, omadeuvo ṉoko taite Loisi ni ṉoko niania Iunisi ko jari ama. Aṉata aqai nianiia ta koa omadeuma piza kama oqu ikio ṉokasi ama.

2 Timoti 3:15

ni so keru ṉo siloa laṉa keru azo ṉota lula ṉoqai nianiiovi ko Tabu ama Riki poso, koko roveako kasa ṉa iko koa keve, koko pakieṉo ama ṉo Jisu Karisito vai oqu kale.

Hiburu 13:8

Jisu Karisito ta omadeuvo ravi, ni vairutu ni kiada keru. Vota pui o besiziani.