2 Timoti 1:12 - BAṈARA KO VAIRU AMA LEVELEVEO

¹² ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

2 Timoti 1:12 Marejeleo ya Msalaba

Matiu 12:21

Ni kiadama komia peuru ma peuru kale ama maba madu ta kevai keruvou vo.”

Matiu 24:36

Nio vo Jisu ta mata eri kiolake sekasi; “Puliala maba ta okai nianiia koa ṉaniu ni taku aṉa maba a eveni lala a vaitou keru; se aukale ama mateana madu melai pui kekai nianiia, ni a ṉavi melai pui aqai nianiia, melai aṉavo Mama Baṉara o kiada inio okai nianiia koa taku.

Matiu 7:22

Ni titizato ko ṉaniu ko barolou keru inio kubo madu se kekai lipalipaitani ko sidopu ta eri kikevou aṉa kasi, ‘Ṉota eṉevo Lekasa ṉa! Ṉoko ṉikale eṉeta ṉe bazubazute, ni ṉoko ṉikale eṉeta ṉe rerike ko ziolo poso ni ṉe erekake kubo aqasiele ama iruruputo!’ kikevou.

Luke 10:12

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo peuru kale amu ke kovo ama koqotato!” kiolake.

Luke 23:46

Nio matuma kora kale inio vo Jisu ta eri kiolake, “Mama! Noko ṉase topi nio aṉata a vaeka aṉako auvana!” So kiolake ti obeta utupake inio.

Jone 17:15

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Jone 6:44

Puliala ta o roveovou kilo aṉa kasi, aṉavo Mama pui o odievou tu o kilo aṉa kasi, vo o soroeleni aṉa. Ni aṉata a jaevivou vo o kilo ala aṉa kasi tovama ṉaniu kale.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 13:50

Melai se Jiu amu ta ke jituemake se koa Pisidiama Anitioko peuru kale ama tanatanamu ni so jari se pui Jiu ama matuma rekoreko poso seke ilusivani vo Baṉara Jiu amu sase. Ni sea matuma maba poso ta ke taniekake naqueko Paula ni Banabasi ni seta ke butuekake nioqa Pisidia ranama peuru poso kale azo.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Iruruputo 7:59

Ni se kebeta ola keru taivo vo Sitiveni vota matuma kora kale ovai petaoke vo Lekasa ni eri kiolake, “Lekasa Jisu, tala koa aṉako auvana!” kiolake.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 9:33

Ko ikio ko Tabu ama Riki eri ka kikovema, “Keatini, aṉata a vaeva kala lado Jerusalema, Vo kevai tupariovo ala se maba madu, Voa lado vo o pimo ala se. Melai se kevai keruani vo ta pui kepa quratou.”

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

1 Koriniti 3:13

Ni kiadama maba poso ko iruruputo ko kalo ta ko keazailou so keru vo Karisito ko Ṉaniu kale kasa ko elou keru. Ako koa Ṉaniu kale ko uza ta ko madoekou koa iruruputo ko tuvevo ama epa ni koko male avo.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

Pilipai 3:8

Ni pui koko kiada, melai aṉata vairutu melai so ka kiala ta koa kiadama quli ti utube ama, ako aṉata a qati podetika sole aṉako vai nianiio vo Jisu Karisito aṉavo Lekasa. Ako vo Karisito kale avo inio aṉata a vaeke sole aṉako lulama saevo ni ko quli ta utube ama ka kiala, tu aṉata a ṉeamuvo vo Karisito

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.

1 Tesalonaika 5:4

Melai me, visi ni kaka poso mela, meta pui kutumana kamela, so sole koa taku ta pui kopa vuzemelou vo kuilokuilo ala maba okai kuevako jari.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

2 Timoti 1:14

Vo Tabu ala Auvana ko pizato kale, vo obeta evani anime tona, ṉota kati vaile ko Uri ama Bazu ko tuveano, vo Baṉara ṉai keru kale lula o vaekako ṉoko ṉase topi.

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

2 Timoti 1:18

Ni ṉota ṉoqai uria nianiia voko matuma tauvezato vo o erekema aṉa kasi sai Epesasi peuru kale. Sole vo Lekasa ko odouvo sama roquano ta ko elou vo tona koa Titizato ko Ṉaniu kale!

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 2:18

Ni erisaṉa vota o rovea tauvemo seke toraekani ko zolizolito, ako o ṉavi Jisu ta lula o toraeke ko zolizolito ni lula o tolai sole.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

1 Pita 4:16

Melai meta me ditiziovou ni me dolailou meko Karisito ko lotu maba elo ko kio kale ta, meta pui qurato melai meta vai ilusikomo vo Baṉara meko melai nokailo vo Karisito ko ṉi.

1 Pita 4:19

So sole me tapata me doraekani mela vo Baṉara ko vatolo kale ta beta olamo ereko uri ama iruruputo ni vai keru voko kati vailo meko pado ama saevo. Ako vo Baṉara inio o eremeleni me ni vota pui ukaka opa ikou voko melati vailo me sole.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;