1 Timoti 6:16 - BAṈARA KO VAIRU AMA LEVELEVEO

¹⁶ Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

1 Timoti 6:16 Marejeleo ya Msalaba

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 6:46

Puliala inio lula opa veveni vo Mama; melai aṉa a quevini lala Baṉara kasi azo, aṉa inio lula a veveni lala vo Mama.

Jone 8:58

Nio Jisu ta eri kiolake sekasi, “Aṉata a bazuemela me tuvevo avole. Puliako Ebarahami alilo ta ‘Aṉa inio,’” kiolake.

Epesasi 3:21

so sole animeta mevai rauraeko vo Baṉara voko ṉaṉaidara kiada keru voko lotu qoqono kale ni animeko omadeu vati elo vo Jisu Karisito kale, latau ṉaniu ni ka ṉaniu. Emeni.

Pilipai 4:20

Nio animeta me ilusivo animevo Mama Baṉara latau ṉaniu ni ka ṉaniu. Emeni.

Kolosi 1:15

Karisito inio vo kasa o ivani vo mutamuta kala Baṉara ko kalo anime kasi, vo lula o eveni Meqora puliako peuru ma peuru ereilo, vo raura kala kiadama vo Baṉara o erekema quli kale azo.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Hiburu 13:8

Jisu Karisito ta omadeuvo ravi, ni vairutu ni kiada keru. Vota pui o besiziani.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

1 Jone 1:5

Komi kio koa bazu eṉe ṉe viqema Baṉara vo Meqora kasi azo ni eṉeta ṉe melai bazueka me: vo Baṉara ta zakaremu inio ni vokale ta maba puliama kutumana.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

Jiudi 1:25

vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.

Kelokelozato 1:6

ni vota vo Aikovakova Baṉara keva nabuluputani siama madu o imeleni anime tu animeta meva nabuluputo vovo Mama Baṉara. Tu animeta mevai rauraekou vo Jisu Karisito ko ṉaṉaidara ni pizato latau ṉaniu ni ka ṉaniu! Emeni.

Kelokelozato 1:8

“Aṉata kiadama quli koko tanitanila ni koko paitopaito lala,” kiola vo Baṉara, vo koko tanitanila kale o eveni, ni vo erisaṉa obeta evani, ni vo mainio opa kilo ala, vo kiadama pizato sala.

Kelokelozato 21:3

Ni aṉata a viqake kama pado matuma kora ko kuevako koa matuma lekasa ko papupapu kasi azo, eri kikolako, “Erisaṉa azo vo Baṉara ta maba poso kasi ota elou! Vota o elou se sase ni seta voko maba madu ke elou. O ṉavi Baṉara ta se sase o elou, ni vota sevo Baṉara o elou.

Kelokelozato 22:5

Sai ta puliama ipu kopa elou, ni seta pui kepa ka zariovou ko juke ni ṉaniu ko zakaremu, ako vo Baṉara sevo Lekasa inio sevo zakaremu o elou, ni seta aikovakova ke elou latau ṉaniu ni ka ṉaniu.

Kelokelozato 4:11

“Eṉevo Lekasa ni ṉe Baṉara ṉa! Ko male tu eṉeta ṉe ṉaṉaidara pueṉou, ni ṉe rauraeṉou, ni ṉeṉai ilusikou ṉoko pizato, ako ṉo inio ṉo erekeni ṉa kiadama quli sole, ni ṉoko vatolo kale inio kota ko tanite ni saeve,” kikela.

Kelokelozato 7:12

nio eri kikelake, “Emeni! Mevai rauraeko animevo Baṉara voko ṉaṉaidara, ni raura kama nianiio, ni aikato, ni pizato, ni naizato. Me qativou animeko uriavo latau ṉaniu ni ka ṉaniu! Emeni!”