1 Timoti 4:7 - BAṈARA KO VAIRU AMA LEVELEVEO

⁷ Melai taka papariovi ko lipalipa kama ni utube ama bazu, ko pui ko kasevako vo Baṉara. Ṉota matu madoe tu tava paṉaovi vo Baṉara kiada keru.

1 Timoti 4:7 Marejeleo ya Msalaba

Iruruputo 24:16

So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.

1 Timoti 1:4

Bazuema se tu seta ke epezo ṉamuko seko taku ereko kale ko vikuvikula bazu ni rosi ama koilokoilo ko bazubazu, koko puratikako ko aivekinio pala, ko pui kasa ko ikako vo Baṉara ko nakanakati. Melai vo Baṉara ko nakanakati ta ko paqumua maba poso ko oqu kale.

1 Timoti 1:9

Melai ko male tu kerukerueko ko eri, Mosese ko Bazu ta ko kasei, tu pui se sidopu amu kaqe, melai kota se bazu ke bikoirikani ni se ruqe amu, ni se pui tuvevo ama auvana kale ama saevo samu, ni seke vouvaemani seko mama ni niania poso, ni seke vouvaemani maba poso kaqe inio,

1 Timoti 2:10

Seta uri ama kalo ni kerukeru ke kovou, ko koko male ama se reko poso kasi seke tava paṉaovani vo Baṉara kikelani.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

1 Timoti 6:11

Melai ṉo, vo Baṉara ko maba ṉa, ta taka lapase kiadama komia ruqe poso. Kai vinai ko sidopu, vo Baṉara tava paṉao kale, ni oqu kale, ni roquano kale, ni pataito kale, ni nodenode ama saevo kale.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

2 Timoti 2:16

So sole ṉota taka papariovi koa utube ama ni sarube ama pesipesi, ko vaṉa ko imako se maba poso vo Baṉara kasi azo.

2 Timoti 2:23

Melai taka papariovi koa utube ama ni sarube ama pesipesi, ako ṉota ṉoqai nianiia kota zolizoliekinio ni aivekinio sama ikio sole.

2 Timoti 3:12

Ako kiadamu seke madoekani tu ke uria luluevo vo Jisu Karisito seko sidopu ama kalo kale ta ke toraekou ko naqunaquto,

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

2 Timoti 4:4

Seta pui kepa viqou ko tuvevo ama bazu ni ke didiekou ko lipalipa kama bazubazu poso.

Taitasi 1:14

tu seta ke vaekou se Jiu amu ko bazubazulao ni maba ko bazu poso koko kuevako se kekai kaikuapani ko tuveano kasi azo.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Taitasi 3:9

Melai taka papariovi ko sarube ama aivekinio, ni ko rosi ama koilokoilo poso ko aivekinio, ni vo Mosese ko Bazu kai ketuketuekinio. Ako koa kiadama ti utube ama ni kalo pide ama sole.

Hiburu 5:14

Seke kuani ko zokele ama sailao ta se muqaroma maba madu nianiio kale inio, seke roveani pitasiko ko uri ni ruqe seko iruruputo kale.