1 Timoti 4:6 - BAṈARA KO VAIRU AMA LEVELEVEO

⁶ Ṉota katima komia bazu poso sea lotu tamatamania, nio ṉota kala uri ala Jisu Karisito vo nabulu ṉa, ṉo ṉavi ṉo bizatiani ṉa ṉoko auvana kale koa oqu ko pesio kale ni tuvevo ama bazu kale ko ṉoṉo luluekako.

1 Timoti 4:6 Marejeleo ya Msalaba

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Luke 1:3

Sokale avo inio, tanala, aṉa melai a qerukeruta ta uri tu aṉata a uria lulueko rikieko koa kiadama quli ṉokasi ako aṉata lula a uria vakakuka kiadama ko quli poso koko tanitanila keru azo sole.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 20:31

So sole vailomo, ni kerukeruekomo aṉako nianiiekimelo mea kiada mela kubo deumu sate ipu ni ṉaniu zouke sabere ko poro kale.

Iruruputo 20:35

Aṉata a mela kasa pueke tu komia keve kale animeta me matu iruruputo tu me dauvemo se lekuleku amu, kerukerueko kale ko bazubazu o ṉavi vo Lekasa Jisu o rukuekema, ‘Matuma zoleilo katizato kale ama ta kota ka qulepa koazato kale ama,’ ka kiovema,” kiolake vo Paula.

Romu 15:15

Melai komia leta kale aṉata pui a lalamata melai kerukerueko me ko lula meme baqumukako quli, ni aṉata pui a ṉava melai bazueko ko quli ako vo Baṉara ta o soroela aṉa voko pizato kale sole,

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

Epesasi 6:21

Aṉata a joroeva vo Tikikasi mekasi, vo anime me roquevani lotu visi. Ni vota kala kerula kala nabulu vo Baṉara ko iruruputo kale. Ni vo inio o melai bazuekou kiadama quli koko ereivako aṉa kasi. So inio meta melai nianiiovou aṉa ni loma ikio aṉa a erekako.

Pilipai 2:20

Ni aṉata puliala a vea Timoti jari ala maba, vo tuvevo avole o kerukeruekani meko uri.

Pilipai 2:22

Melai meta mevai nianiia vo Timoti vota aṉa sate o iruruputeni, ni eqeta eqea saidi jari qekai bazubazuteni qela ko Uri ama Bazu.

Pilipai 3:16

Melai animeta mebeta zio lulueko koa tuveano ko anime lula meqai baroako.

Kolosi 2:19

Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Kolosi 4:7

Vo Tikikasi, animevo lotu tamania kale ala, vo eqe qe roquevani kala pado kerula kala eqe kale ala nabulu vo Lekasa ko iruruputo kale, vo inio o melai bazuekou kiadama quli aṉa a erekako.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

1 Timoti 1:10

ni kota seke pauvezatani, ni lasive amu seke erekatani ke ṉavio kude, ni seke mabaku puemani maba poso, ni seke lipalipatani, ni sea kiadamu kaqe, seke erekani ko quli ko pui ko sidopu ama nianiiekato ko kati korotako quli.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

2 Timoti 1:6

Komi kale avo inio aṉata a bazueṉa ṉo tu ṉota saevika tu kai irurupute koa katizato vo Baṉara o katiṉema so keru aṉa aṉai ivike keru aṉako ṉase ṉoko lezu topi.

2 Timoti 3:10

Melai ṉota lula ṉo qeveni ṉa aṉako nianiiekato, aṉako kalo, aṉako saevo kale ama zuato, aṉako oqu, aṉako inobe, aṉako roquano ni aṉako pataito,

2 Timoti 4:3

Ako koa taku ta kota baroa so keru se maba madu ke kaikuapou keru viqo ko tuvevo ama bazubazu sole, ni so keru seke luluekou keru ke ṉaviko vatolo poso, ni so keru seke vailimou keru kubo titisa madu tu sea titisa madu ta kemai bazueko se ko quli seko zolemako seko viqaviqazata kale.

Taitasi 2:1

Melai ṉota mai nianiiekika ko tuvevo ama lotu ko nianiiekato.

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.

2 Jone 1:9

Ako animeta mebeta ziovou lulueko vo Karisito ko nianiiekato ko kiada. Melai vo okai paloaso ala vo Karisito ko nianiiekato kasi azo, ta vota pui vo Baṉara sate ala inio. Melai vo obeta ziovo ala lulueko vo Karisito ko nianiiekato, vo inio vo Mama ni Meqora sate ala.

Jiudi 1:5

Meta mebe kai nianiiani mela inio komi quli, melai aṉata aqa zaria tu melai kerukerueko me ko eri, vo Baṉara ta o saqorime se Izireli amu Ijipi azo, melai koko tova vota o vouvaemake se pui kepa tuvevo puteni.