1 Timoti 3:7 - BAṈARA KO VAIRU AMA LEVELEVEO

⁷ Vota kala maba se keta va paṉaovo ala se pui lotu maba poso tu vota pui o kovou ko kuiripato ni vo Setani ta pui soa sipativo o elo.

1 Timoti 3:7 Marejeleo ya Msalaba

Maka 4:11

Nio Jisu ta eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai sea kupekupe ke evani maba poso ta ke viqou pala inio podepodeti kale.

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 22:12

“Ni koa peuru kale ta inevoana kala maba o ṉi ta Ananaiasi, vota kala maba vo o ilusivani vo Baṉara ni o matu zorikani animeko Bazu, ni keta va matu paṉaovani kiadama Jiu amu sai ke evani.

Iruruputo 6:3

So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 5:12

Ako aṉata puliama aṉako iruruputo tu aṉata a ditizimou se pui lotu maba poso. Baṉara inio o titizimou se. Melai meta maba me ditizimou nio se meko lotu qoqono kale amu! Ko Tabu ama Riki kikolani jari, “Saqorivomo vo ruqe ala maba meko poukale azo.”

2 Koriniti 6:3

Eṉeta pui ṉeqa zaria tu kala ta ota ṉela kelo kama saruilo eṉeko iruruputo kale, sokale avo inio eṉeta ṉe madoeka tu sidopua saevo ṉe elo kiadamu ko vilu kasa.

2 Koriniti 8:21

Eṉeko zario ta ṉe ereko ko sidopu, pui vo Baṉara ko vilu kasa ko kiada, melai so jari maba ko vilu kasa.

Kolosi 4:5

Meta nianiio emo meko iruruputo kale se pui ke tuvevo putani maba poso kasi, tu meko taku ta pui ko ṉamuilo meko kaseko keru ko Uri ama Bazu.

1 Tesalonaika 4:12

Koa keve kale inio se pui nio ke tuvevo putani ta keta mela paṉaovou, ni meta pui meba ziovoziovoitou sekasi pasekole ko saevo ko korotikako quli.

1 Tesalonaika 5:22

Ni taka lapasomo ereko kiadama ruqe ama quli.

1 Timoti 3:6

Vota piza kala maba o elo oqu kale ni pui vairu ama oqu sala maba. So inio vota pui o raurailou ni pui o pialou vo Setani o koema kuiripato jari ama kale.

1 Timoti 5:14

So sole aṉata aqa zaria tu se vairu ama naboko poso ta ke roroto, tu seta meqora saṉa ke elo, ni ke uria ereko seko pade kale ama iruruputo, tu animeko kana poso ta ke tizailou ni pui ke roveovou ruqe kasemelo anime.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

2 Timoti 2:26

Nio seta ke mamurou ni ke soqoilou vo Setani ko sipata kasi azo, vo erisaṉa o piriemani se ni o zuruzuruemani tu ke zoriko voko vatolo.

Taitasi 2:5

tu nia vairu ama rekoreko poso ta ke uria odizio ke ṉavi ni pui ke pauvezato, tu uria iruruputo ke elo pade kale seko lasive poso ko zorimo kale; so inio puliala ta ruqe kaseko o elou vo Baṉara kasi azo ko kuevako bazu.

Taitasi 2:8

Ṉota kaseka uri ama pesio, ko se maba poso pui ke roveako titiziko, so inio ṉoko kana madu ta ke quratou, ako seta pui kepa kelou seke kaseko ama ruqe animeko.

3 Jone 1:12

Kiadama maba madu ta kekai bazubazuta vo Dimitiriasi ko uri. Ni voko lulueko ko tuveano melai ko tuvevo pueka se kikelani. Ni eṉe melai ṉeda vai bazubazuta voko uri. Ni ṉota ṉoqai nianiia ta eṉe kiṉelani ta tuvevo avo.