1 Timoti 3:6 - BAṈARA KO VAIRU AMA LEVELEVEO

⁶ Vota piza kala maba o elo oqu kale ni pui vairu ama oqu sala maba. So inio vota pui o raurailou ni pui o pialou vo Setani o koema kuiripato jari ama kale.

1 Timoti 3:6 Marejeleo ya Msalaba

Luke 10:18

Nio Jisu ta o mati tiorikake se ni eri kiolake, “Aṉata ada va keve vo Setani ko pialo kapi jari aukale azo.

1 Koriniti 3:1

Melai a qaka ni visi poso mela, aṉata pui aba roveovi melati bazueko ko Uri ama Bazu omadeuvo se kiada keru ke zorikani vo Baṉara ko Auvana jari kasi. Melai aṉata a melati bazuekake omadeuvo meta komia ruqe ama peuru ma peuru ko mela jari inio, ni silo mebeta evani mela vo Karisito vai oqu kale.

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

2 Koriniti 12:7

Melai vo Baṉara ta o zarie ko aṉa ko tolaelako quli koko kuevako Setani kasi azo. Vota o zarieka tu ko tolaelo tu aṉata pui aqai rauraraurailo ko aṉata lula a qea koa kubo aqasiele ama quli.

1 Timoti 3:7

Vota kala maba se keta va paṉaovo ala se pui lotu maba poso tu vota pui o kovou ko kuiripato ni vo Setani ta pui soa sipativo o elo.

1 Timoti 6:4

ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

2 Pita 2:4

Ako Baṉara ta pui opa utu zarieme se mateana madu boutare ke erekeni, melai vota o soroeme se heli kale ni sai nio seta piripiri amu kutumana kale ke tarekani titizato ko ṉaniu.

Jiudi 1:6

Ni kerukeruekomo kake mateana madu ta pui kepa kai zolei seko koidi ni pizato vo Baṉara o katimema, ni seta ke vaekake seko ṉisa peuru, nio sea mateana madu ta ke piriziake noqola kama piri kale kutumana kale ti kobeta barou koa matuma ṉaniu kale seke titiziovou keru.