1 Timoti 3:16 - BAṈARA KO VAIRU AMA LEVELEVEO

¹⁶ Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Timoti 3:16 Marejeleo ya Msalaba

Matiu 1:23

“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”

Matiu 13:11

Ni Jisu ta o mati tiorikake se ni eri kiolake sekasi, “Vo Baṉara ta kasa o mela ika me voko lekasa puo ko mutamuta kama nianiio, melai vota pui opa katime koa nianiio edoloma maba poso.

Matiu 28:2

Ni matuma nunu kota eve ni vo Baṉara vo mateana ta o saqorake aukale azo ni o vatutikake koa kea ko veutu kale ama lado, ni oka papuake.

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Matiu 4:11

So sole vo Setani ta o vaevake vo Jisu ni se mateana madu ta ke kuevake tauvevole vo.

Maka 1:13

Nio vota o evake sai ariku toni ṉaniu, ni Setani ta o zolizolievake vo. Ni sai ta piru ama ariku kiti ama biaṉa sakoi, melai se mateana poso ta ke kuevake ni kepa tauvevake vo Jisu.

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Maka 16:5

So sole seta keta amaqeake ni ke veake kala vairu ala maba tapo sabosabo sala obeta papuake seko palo rana vasi, ni seta keta matu vuzeike.

Luke 2:32

Vota kala zakaremu tu kasa o ikou ṉoko vatolo kiadama peuru ma peuru kale ama qoqono poso kasi ni vota o kati kilou ko ṉaṉaidara ṉoko mabamu Izireli mu kasi!” kiolake.

Luke 20:44

“Devita ta voa Pakio inio vovo Lekasa va kioveni, sole noi nio vota o alilou Devita ko koilokoilo kale?” kiolake.

Luke 22:43

Ni kala mateana ta ovai podakake vo aukale vasi azo ni o pizativake vo.

Luke 24:4

Ni so keru se sai niuniala lojo kebe kai eva keru ko, ota podoloa koi inio omuqa maba mudamuda sabosaboa nioqa ta qo lojoake seko papara.

Luke 24:51

Ni so keru vo mauru obe ima keru inio vota ota vaekaziake sekasi azo ni vo Baṉara ta o koivievake vo aukale.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

Jone 16:28

Aṉata a quevi aṉavo Mama kasi azo, ni a quevi koi komia peuru ma peuru kale, nio erisaṉa ta sipole inio a vaekou ko peuru ma peuru ni ada vaitou a Mama kasi,” kiolake.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 20:12

Ni kota ko keake omuqa mateana sai tapo sabosaboa nioqa qopeta papuake sai Jisu ko tupu lula ko evekoi, kala pado ta lezu raura, ni kala pado ta kiti zara.

Jone 6:62

Sole noi nio meme dova lelou keru aṉa maba a eveni lala ko tova koilo aukale sai aṉa a quevikoi kazo!

Iruruputo 1:19

Kiadamu se Jerusalema ke eveni ta kekai nianiiake, so sole seta kekai nokaekake koa miduku ko ṉi ta Akelodama, koko kio ni kalo ta dara ko miduku.)

Iruruputo 10:34

Nio vo Pita ta o taniekake pesio ni eri kiolake: “Erisaṉa aṉata abe paqumuka ta tuvevo avole vo Baṉara ta pui o roqueṉelani eṉe Jiua ṉela ṉe qiada melai vota ijatinia baisemelo o evani eṉe ni me pui Jiu amu mela.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Romu 10:12

Komi ta ko tuboemela kasemelo animea kiada mela, ako anime Jiu amu mela ni anime pui Jiu amu mela ta puliama koko edolovo sole; Baṉara inio animea kiada mela vo Lekasa vo mauru o imelani animea kiada mela ni o nokaemelani vokasi.

Romu 10:18

Nio noi nio: tuvevo ikio ko seta pui kepa viqe koa Bazu kio? Koe, seta maba ke uria viqe—omadeuvo ko Tabu ama Riki kikolani jari: “Seko pesio ko kora ta lula kokai zaroa kiadama peuru ma peuru; seko pesio poso ta lula ko baroa au ko sipo kasi,” kikolako.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 3:4

Maba pui! Melai vo Baṉara ta matu tuvevo ala se lipalipa kama maba madu kasi azo. Ko Tabu ama Riki va kikovevo jari, “Noko sidopu ta ko tuvevo puilou ṉoṉo besiovou keru, ṉota ṉo bizatou se maba poso ṉo kuiripato saṉa iṉo kale ṉo.”

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 9:5

Seta se Hiburu qoqono ko taite poso ko vikuvikula kale amu inio, ni seko vikuvikula kale inio vo Baṉara o soroeveni Pakio ta o puratake. Animeta me ilusivou vo raura kala Baṉara vo o kati vailani kiadama quli latau ṉaniu ni ka ṉaniu. Emeni.

1 Koriniti 15:47

Ni vo kuleto ala Adami ta miduku kale o erei. Melai omuqala Adami ta o kuevi aukale azo.

1 Koriniti 2:7

Koa bazu aṉa a qasekako ta o ṉavi Baṉara kasi azo ama bazu kio. Kota lula mutamuta kama, melai vo Baṉara ta lula o vatoeke korotiko puliako peuru ma peuru ereilo tu o katimelo anime aqasiele ama quli.

2 Koriniti 1:19

Ako vo Jisu Karisito, Baṉara vo Meqora, ta puliaka taku o pilapaqo putani sole. Ni vo inio aṉa ni vo Sailasi ni vo Timoti ṉevai bazubazutani.

Qelesia 2:8

Ni vo Baṉara vo o kativeni ko pizato vo Pita tu vota Jiu mu kasi apositolo oma elo, vo inio mata o katileni aṉa ko pizato tu aṉata apositolo a mela elo mea pui Jiu amu mela.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

Epesasi 6:19

Ni so jari meta me lati vararaitou aṉa, tu vo Baṉara ta o katilou aṉa ko quli aṉa a qaseko ama quli so keru a besiovou keru, tu aṉata parani putole kasa a ikou koa Uri ama Bazu ko tuveano kuleto mutamutale ko evema.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

2 Tesalonaika 1:10

Ni vo Baṉara ta o erekou koa sidopu ama titizato so keru vo Lekasa Jisu o vaitou keru ni vota ṉaṉaidara o elou kiadama voko maba poso ko sidopu ama saevo kale, ni o raurailou seke tuvevo putani ko saevo kale. Me melai me zomanou se sate, ako meta me duvevo pueka sole koa bazu ko eṉe ṉe qasekema mekasi.

2 Tesalonaika 2:7

Ako mutamuta kama ta lula kota ereiva ko ruqe sole, melai ikoana voko tizaevako voa matu ruqe ala maba. Ni kota ko tizaevou ti kobeta barolou koko taku tu ko epezou.

1 Timoti 3:9

Ni seta pizaka noqoeko ke elo ko Uri ama Bazu ko tuveano puliama niuniala sate.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 7:7

Animeta me baqumuka ta vo mauru o ikazateni ta raura kala vo mauruto o koeni kasi azo kio.

Hiburu 8:1

Ko matuma quli aṉa a qasekako ta animeta lula me ṉeamuva vo Ṉisa Siama, vo inio vo Jisu, vo o papuani Baṉara ko papupapu ko palo rana vasia rana aukale, sai vo Baṉara o lekasa puakoi pizato sate.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

1 Jone 1:2

Vo o katiṉeleni eṉe ko saevo ta kasa o ṉela evake eṉe, ni eṉeta ṉe veve vo nio ṉeqai bazubazute voko tuveano maba poso kasi, nio eṉeta mata ṉe melai bazueva me voa noqola kama saevo sala Bazu. Vo o katiṉeleni eṉe koa saevo ta o eve o Mama Baṉara kasi. Ni Baṉara inio kasa o ṉela ive eṉe.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

Kelokelozato 17:5

Koko kape topi ta kota ka rikiziovi kama pado ṉi ko mutamuta kakoi kota ka evako koko kio ni kalo sama, ko eri kikolako riki, “Aṉa raura kama Babiloni lala, kiadama jou kama reko poso ko niania lala ni koko raki lala kiadama ruqea kelo ama quli peuru ma peuru kale ama,” kikolako.

Kelokelozato 17:7

Melai vo mateana ta eri la kiolake, “Noi sole inio ṉoda vuzeiva? Aṉata aṉai bazuekou koa rekoreko ni voa biaṉa vo o borikeni ko ko omele ama kio ni kalo, voa sikeura lezu ala ni toni sotasota sala biaṉa.

Kelokelozato 7:9

Koko tova inio a lilitakea lala ta matu ti matuma vaki a qeake; puliala opa roveovo amu ataemo sea kiadama maba poso! Seke kuevini kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo, seta ke lojoake koa papupapu ni voa Sipi Meqora ko kuleto, ni seta rosia sabosabo tapo ama samu ni ke kamakake ko dauko poso tu ke puratiko seko zoleilo.