1 Jone 3:10 - BAṈARA KO VAIRU AMA LEVELEVEO

¹⁰ So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 3:10 Marejeleo ya Msalaba

Matiu 13:38

Ni ko kiaro ta ko mamola pueka komia peuru ma peuru, ni ko uri ama rui ta sea maba poso vo Baṉara ko lekasa puo kale amu, ni ko rabu ta ko mamola puema se maba poso seke luluekani vo Setani ko vatolo.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Jone 1:12

Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Jone 8:47

Vo Baṉara vo maba ta o viqa vo Baṉara ko pesio. Meta pui Baṉara ko mela sole pui meba tava viqou voko pesio,” kiolake.

Iruruputo 13:10

ni eri kiolake, “Noa Setani vo meqora ṉa! Ṉota kiadama sidopu ama quli vo kana ṉa inio. Ṉota koṉai sukata ko ruqe ama ubeubezato ni lipalipato, ni kiada keru ṉota ṉo madoekani ṉa lipato tava iko vo Baṉara ko tuveano!

Romu 13:8

Meta vouvaekomo kiadama meko lipulipu, melai roquekinio ko lipulipu ta kobeta saevou kiada keru. Ako vo o erekani soama roquano ko keve ta o lulueka ko Bazu kikolani sole.

Epesasi 5:1

Ako meta vo Baṉara ko meqora poso mela vo o roquemelani mela, so sole meta madoekomo tu Baṉara jari emo.

Kolosi 3:14

Kiadama koa uri ama kalo poso ta kai iruruputomo roquano kale, ko omadeu tubo ko iko ama koa kiadama, tu pulia quli ta ko niumaekou meko omadeu elo.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Jone 2:29

Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

1 Jone 4:21

Ni o ṉavi Jisu inio o katimele anime komia bazu, eri kikolako: vo o roquevo ala vo Baṉara ta mata o roquevou vovo lolo.

1 Jone 4:6

Melai animeta vo Baṉara ko mela, ni se kevai nianiiani vo Baṉara ta ke didiemelou anime, melai se pui kevai nianiiani vo Baṉara ta pui kepa didiemelou anime. Ni Sokale inio animeta memai nianiiovou seke kasekani Tabu ala Auvana ko tuveano ni seke kasekani lipalipato ko auvana kasi azo ama bazu.

1 Jone 4:8

Voa maba vo pui o roquanani ta pui ovai nianiiani nio vo Baṉara, ako vo Baṉara inio vo roquano sala sole.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

1 Jone 5:2

Eri kale inio animeta meqai nianiia ta animeta me roquema vo Baṉara ko meqora poso. Animeta meqai nianiia ko, ako animeta me roqueva vo Baṉara, ni me zorika sole voko bazu.

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.