1 Jone 1:10 - BAṈARA KO VAIRU AMA LEVELEVEO

¹⁰ Melai animeta eri kimevou, “Eṉeta sarueko pidea ṉela inio,” kimevou, ta animeta mevai kuirika inio vo Baṉara ta lipalipa kala, ni animeta pui nio me duvevo pueka voko bazu.

1 Jone 1:10 Marejeleo ya Msalaba

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

1 Jone 2:14

Ni aṉata a mela rikita meqora poso mela, ako me inio mevai nianiiani mela sole animevo Mama. Ni aṉata a mela rikita mama ni niania kamela, ako me inio mevai nianiiovini mela sole vo o eveni koko tanitanila kale. Ni so jari aṉata a mela rikita me vairu ama maba poso mela ako meta piza kamela sole, ni vo Baṉara ko bazu ta me tona, ni koqo me iveni mela sole vo Setani.

1 Jone 2:4

Ni kala ta eri kiovou, “Aṉata avai nianiia vo Baṉara” kiovou, melai pui o zorikou vo Baṉara ko bazu, ta vota lipalipa kala, ni puliama tuveano sala.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

1 Jone 5:10

Ni vo tuvevo o ivani vo Baṉara vo Meqora, vo inio koa qulepo ama bazu sala voko bulo kale ko vo Baṉara o melai bazuekako. Melai vo pui o tuvevo putani ta ovai kuirika vo Baṉara ta lipalipa kala, ako vota pui tuvevo o ika sole vo Baṉara o melai bazuekako vovo Meqora kale avo.

2 Jone 1:2

Ni eṉeta ṉe roquemela me koa tuvevo ama bazu ko kio kale, ako koa tuvevo ama bazu ta ko eva sole anime tona erisaṉa ni kobeta elou kiada keru.