Mark 14:11 - l'taamitsinikssin Mark manistaitsinikatoohpiayi 1972

¹¹ Ki omi̱ksi nato̱yaapiikoaiksi i̱kohtsi'ta̱a̱mi'takiyi; otsitsiksi̱sttowakkaiksi oma̱ Judas ma̱hkohko̱yissaiksi iihta̱ohpommao'pi. Sta̱mikakiitsisimia'pa̱i̱sskska'tsimawa oma̱ Judas a̱hkanistohko̱ttsinnaahpi Jesus.

Mark 14:11 Marejeleo ya Msalaba

Mark 14:10

Ki oma̱ Judas, oosto̱yi a̱nnayi iihtsistsi̱kopottsii omi̱i̱ksi Jesus otoni̱i̱niiwaaniksi ota̱i̱ssksinima̱atsaiksi. Iitsita̱poowa omi̱i̱ksi o'tota̱mato̱yaapiikoaiksi. Iitani̱stsiiyiihkaiksi, “Kita̱akitai'stamatsoohpoaawa anna̱hka Jesus.”

Mark 14:12

Omiiksi Jews a̱i̱skahsai'nikkiawa i'na̱kimiyi i̱mahkihkinaayi ni'tsiksi̱stsikoyi ani̱stsayito'tsstsiisi omi̱ otsi̱tohtaohkanaa'psspiawa o̱mohto̱'tsitsskihtsi̱i̱mokihpi anni̱hka maka̱'pisttsiistom'ssinihka, ki a̱nnia koo'ko̱yi ita̱oowatsiiyawaiksi. Ki omi̱i̱ksi Jesus ota̱i̱ssksinima̱atsaiksi otsi̱tanikkaiksi, “Tsima̱ nita̱kitsiiyo'sato̱o̱hpinnaana omi̱stsi i̱'ksisakoistsi iihta̱akomahksoy'sskihtsi̱i̱hpi?”