John 8:44 - Annaahk John Manistsitsinikatahpi Jesus Manistsipaitapiihpiai 1979

⁴⁴ Niʼto̱i kani̱stsspoaawa annaahka kita̱o̱nnimmawaawahka Maka̱ʼpatoʼsiwahka, ki osto̱yi a̱nnayi kitsi̱i̱ksstaahpoaawa ka̱a̱hkawanisttotsissoaayi otsitsi̱i̱htaanistsi. A̱nniika piitsisto̱yika ki a̱nnika po̱o̱hsapoohtsika osto̱yi a̱i̱ksimiʼnikkiwa. Ma̱tsitsstsiʼpa moka̱moʼtaʼpi oosto̱yi. Sayi̱i̱pitsiisi ma̱takohtsiki̱i̱waatsi. A̱nniai niitssi̱wa. I̱i̱ksayiipitsiwa. Ki sayi̱i̱pitssini iihka̱nohtoʼtsstsiiwa oosto̱yi.

John 8:44 Marejeleo ya Msalaba

John 6:70

Jesus sota̱manistsiiwaiksi. “Ki̱tssksiniihpoaawa ki̱tawattssiikoʼtoohpoaawa kanistsi̱stsikopotsiitapiiyihpoaayi. Ki ina̱o̱ʼkitsspiihtsiihpa kiisto̱aawa a̱wakkaamiiwa Maka̱ʼpatoʼsiyi.”

John 7:17

Oma̱a mata̱piiwa ikka̱msskskaʼtsimaasi ma̱a̱hkanisttotsissi A̱ʼpistotookiyi otsitsi̱i̱htaani a̱nnahkayii a̱kohtohkoissksinima nitssksini̱maatstohkssini. A̱kitssksinima ikka̱mohtoʼtsstsisi A̱ʼpistotookiwa kia̱ya niisto̱wa niksi̱mstaani.

John 8:38

Niisto̱wa a̱nnoohka no̱mohtaiʼpoyii omi̱i̱stsi nitsini̱ʼpinnaanistsi ni̱nna. Kiisto̱aawa kita̱waanisttotsiihpoaawa kita̱a̱niyihpoaawaistsi ki̱nnoaawa.”

John 8:41

Kiisto̱aawa annaahka kita̱o̱nnimmawaawahka ota̱waanisttsiihpi kino̱o̱hkattawanisttsiihpoaawa.” O̱ki. Sota̱manistsiiyaawa Jesusi, “Niʼtsito̱piiyi nita̱onnimmannaana. A̱ʼpistotookiwa a̱nnahkaoʼka. Ni̱niitaʼpohkoyimmokinnaana. Nima̱a̱tsamaakiipokayihpinnaana.”

John 8:55

Kiisto̱aawa kima̱tomaikakssksinoawaawa. Niisto̱wa nino̱o̱hkssksinoaawa. Nita̱a̱niihtopi nitsawa̱i̱ssksinoahsi nita̱a̱ksayiipitsi, a̱nni kiisto̱aawa kanista̱i̱sayiipitsspoaawayi. Ki nino̱o̱hkssksinoawa, ki nitanista̱i̱ʼtoawa ota̱a̱niihpistsi.