John 8:22 - Annaahk John Manistsitsinikatahpi Jesus Manistsipaitapiihpiai 1979

²² Ki omi̱i̱ksi isto̱ʼtotamaʼpssiiksi Jews ki a̱nniksayii a̱waaniiyaawa, “Ma̱ʼkawaaniiwa ‘Omiim nita̱yakitapoohpim kiisto̱a̱awa kima̱takohkottsitoʼtoohpoaawa.’ Ika̱nistohtako a̱nni a̱waaniiwa ma̱a̱hksiʼnitohsi. Ma̱ʼkanistaiʼpoyiiwa.”

John 8:22 Marejeleo ya Msalaba

John 8:52

Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.

John 8:48

Ki amo̱ksi isto̱ʼtotamaʼpssiksi Jews a̱a̱nistsiiyaawa Jesusi, “Ni̱niita̱ʼpo̱manistoohpinnaana anniihka kita̱a̱ʼnistohsi kitsi̱totoisapokaʼpitapiiyi anni̱i̱ksiska Samaritans, ki a̱a̱hkitsstsiihpa maka̱ʼpatoʼsi kitsi̱i̱stomatai.”

John 10:20

Aka̱i̱tapiiyi a̱waaniiksi, “Na̱i̱stomatsiiwa maka̱ʼpatoʼsi. A̱wattsaaʼpssiiksimsstaawa. A̱kohkottsayisstsiwakatawa.”

John 7:35

O̱ki. Omi̱i̱ksi isto̱ʼtotamaʼpssiksi Jews sota̱momatapohtsiʼpoyiiyaawa Jesus. A̱a̱niiyaawa “Tsima̱a̱htaa a̱a̱hksiksimsstatoomahta ma̱a̱hkitapoohsi. Tsima̱a̱hta a̱a̱hkitsaohkottohkoonoawahtaa kiisto̱nnoona. A̱a̱hkikkamiksimsstaawa ma̱a̱hkitapoohsi ma̱a̱hkitohpokaʼpssiimahsi omi̱i̱ksi Jews ayi̱stapi̱piaʼpaopiiksi noohki̱i̱tssksaahkoistsi. A̱a̱hkikkamaiksimsstaawa ma̱a̱hkitssksinimaatsaahsi amiiksi saiʼpaitapiiyi ka̱taaʼnistapssiiksi Jews ita̱o̱piiksi omi̱i̱stska noohki̱i̱tssksaahkoistska. Saa. Ma̱takohkottanistsiiwa

John 7:20

Sota̱maniiyaawa, “A̱a̱hkitsstsiihpa maka̱ʼpatoʼsi kitsi̱pstsistomataai ka̱a̱hkawaanikki a̱nni ka̱a̱hkanista̱i̱ʼpoyissi. Ma̱tsitsstsiihpa a̱a̱hkayikaʼkimaai ka̱akhksiʼniyissi.”

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.