John 8:14 - Annaahk John Manistsitsinikatahpi Jesus Manistsipaitapiihpiai 1979

¹⁴ O̱tsska̱nikkoaayaawayi, “Niisto̱wa imaksi̱ʼpoataomoohsiiniki nita̱kohkottomaiʼtookoowa nita̱a̱niihpi, takaa niisto̱wa ni̱tssksiniihpa no̱mohtoʼtoohpi kii nita̱kitapoohpi. Kiisto̱aawa kima̱tssksiniʼpoaawa no̱mohtoʼtoohpi ki nita̱akitapoohpi.

John 8:14 Marejeleo ya Msalaba

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 8:42

Jesus sota̱maniiwa, “Kita̱o̱nimmawawahtopi A̱ʼpistotookiwa kita̱kakomimmokihpoaawa. A̱ʼpistotookiwa a̱nnahkaoʼka no̱mohtoʼtoo. Ki a̱nnohkai a̱nnoma tsi̱taʼpaitapiiyi. Nima̱tawattsitoʼtoohpa. Osto̱yi nito̱ʼtsskooka.

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 10:36

Ki a̱a̱mohka kita̱kohkottohtoʼtssksiniihpoaawa ma̱tokaʼpiiwa ta̱a̱niihpi, takaa niisto̱akaoʼka o̱tssikahksipoʼtoayi ni̱nna A̱ʼpistotookiwa. Nitsi̱toʼtsskooka anno̱o ksa̱a̱hkommi. Kita̱kohkottsawaaniihpoaawa iiko̱kaʼpiiwa tani̱stohtaiʼpoyiihpi A̱ʼpistotooki aniihka nita̱a̱niihpihka nisto̱wa a̱nniskaoʼkinai A̱ʼpistotookiwa ohko̱yi.

John 5:31

O̱ki. Niisto̱wa nanistsi̱ʼtsitapiiyihpi ikkama̱wattsiʼpoatomoohsiiniki kima̱takstsinaoʼmaiʼtookihpoaawa.

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”