John 7:26 - Annaahk John Manistsitsinikatahpi Jesus Manistsipaitapiihpiai 1979

²⁶ Issa̱ʼtsik. Osto̱yi ita̱i̱ʼpoyiiwa otsi̱takaitapiihpi ki oso̱tamssaissika̱attsooka kita̱toaʼpinaiminnooniksi. Iika̱nistsinattsiwa a̱nni a̱i̱ksimstatsiiyaawa Jesusi otsi̱i̱taʼpamssayi A̱ʼpistotookiwa o̱mohtakohkoikiihpiska a̱yaksikamotsiipiookiiyi. Issksini̱ʼpa ma̱tanistsiksimsstaawaiksaawa.

John 7:26 Marejeleo ya Msalaba

John 7:48

Kitsi̱naaiminnooniksi ma̱tsitsstsiihpa a̱o̱maiʼtoyii. Niisto̱nnaana tanista̱psspinnaani Pharisees, ma̱tsitsstsiiʼpa a̱o̱maiʼtoyi i.

John 12:42

O̱ki. Ki a̱nnihkayii isskohta̱a̱kaitapiiyi omi̱i̱ksi oʼtota̱maʼpssiiksi na̱o̱maiʼtoyiiksi Jesus. Kii sota̱msstonnoyiiyaawa omiiksi Pharisees. Ki a̱nnihkayii iihtsawa̱i̱sska̱akaniiyaawa ota̱o̱maiʼtakssaawa. Ma̱taissta̱a̱waiksaawa a̱a̱hkohtsaisskoahsaawa otsi̱tawaatsi̱moihkaahpoaayi.

John 9:22

Ki a̱nniai a̱a̱niiyaiksi o̱nni ki o̱ksisstsi. A̱a̱mohka iihtani̱i̱yaawa otsto̱nnoahsaawa omi̱i̱ksi isto̱ʼtotamaʼpssiiksi Jews. Omi̱i̱ksi istoʼtotamaʼpssiiksi Jews a̱kaisapaʼkootsiiyaawa a̱kohkottsayitsstsiihpa a̱a̱hkanii Jesus a̱nniskaoʼkinai A̱ʼpistotookiwa anniiska o̱mohtakohkoikiihpiska. Itoka̱kihtsimaayaawa ikkami̱tsstsiihki a̱a̱hkanii, osto̱yi a̱kohtsitsiksiwa̱attsaawa otsi̱tawaatsimoihkaahpoaawa ma̱a̱hksisamsawattsitatsi̱moihkaani.

John 3:1

O̱ki. Ki a̱a̱mai ni̱naawa a̱a̱nistawa Nicodemus. Itsi̱nssiwa o̱o̱miiks istsi̱naaiksi anniiksi Jews. Anista̱pssiwa Pharisee.

John 4:29

“Oki̱h. A̱a̱hkonotoinoa̱wa anna̱a̱hkayii ni̱naawa. Nita̱a̱nikka ni̱tohkanawa̱nisttsiihpists. A̱a̱hkstaʼmiiwahtaoʼtsinayi A̱ʼpistotookiwa anniiska o̱mohtakohkoikiihpiska.”

John 7:25

Ki a̱nniai a̱nniksayi istsitapi̱i̱yi omii Jerusalem, a̱a̱niiyaawa, “Annaahka Jesus a̱nniskaoʼkinai otsitsi̱i̱htatahpoaawayiska ma̱a̱hksiʼnitahsaawayi omi̱i̱ksi kita̱toaʼpinaaiminnooniksi.

John 7:31

Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 18:20

Itani̱i̱wa oma̱a Jesus, “Nitsi̱tssksinimaatstohki otsi̱takaitapisskohpi, kana̱a̱tapiiyi ma̱a̱hkoohtsissaawa. Nitsi̱taika̱pipstssksinimaatstohki omi̱i̱stsi itawa̱atsi̱moihkaaoʼpistsi ki o̱o̱mi o̱mahkitawaatsi̱moihkaaoʼpi. Anni̱i̱ksi Jews iihkana̱i̱tomowo̱oyaawa. Nima̱tsikakitsisimissksinimaatstohki.