John 3:32 - Annaahk John Manistsitsinikatahpi Jesus Manistsipaitapiihpiai 1979

³² Iihtsi̱ʼpoyiiwa otsini̱ʼpistsi kii oto̱o̱htsiihpiistsi. Kii iko̱nnatsitapiiyi otsi̱i̱imaiʼtookiiksi.

John 3:32 Marejeleo ya Msalaba

John 1:11

Itsito̱ʼtoowa otsi̱tsitapiihpi ki ota̱wattsitapiimiksi, amiiksi Jews, otsi̱tsstsimimmokaiksi.

John 15:15

Nima̱takattaniihpa kiisto̱aawa kika̱kanikapiimatohpoaawa. Takaa oma̱a a̱yanikapiimatawa, ma̱takssksinima anniska ota̱a̱nikapiimakkiska ota̱wanisttsiihpiayi. Niʼto̱i kima̱tanistsspoaawa. Ki̱tssksinima̱atsoohpoaawa ni̱tohkanawaani̱yihpistsi ni̱nna. Na̱a̱hkanisttsissi. Nima̱takattaniihpa kika̱kanikapiimatohpoaawa. A̱nnohkayi ta̱kahtsawaanii kita̱kkaamohpoaawa.

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”

John 3:11

Kita̱kanisto niitsi̱i̱yi. Niisto̱nnaan no̱mohta̱i̱ʼpoyiihpinnaan ni̱tssksiniihpinnaanistsi kii nita̱i̱tsinikatoohpinnaan nitsini̱i̱hpinnaanistsi, ki kiisto̱aawa kima̱taisskaakomaiʼtookihpinnaan nita̱waaniihpinnaanistsi.

John 3:26

Sota̱mitapo̱oyaawa Johni. Sota̱manistsiiyaawa̱yi omohtsawa̱a̱hsiʼtakssi anniska Jesus. Itani̱i̱yaawa, “O̱ki. Anna̱a̱hka ni̱naawahka kitsi̱tohpoksipoyiimokahka omii mi̱i̱stapinnaapoohtsi omii niyi̱tahtai, Jordan, a̱nnahkaoʼka annaahka kitsi̱ʼpoatomoawahka. Osto̱yi a̱nnoohka noohka̱ttawaatoaʼpistotakiwa kii kana̱i̱tapiiyi ai̱tapo̱oyinai.”

John 3:33

Kii omi̱i̱ksi iima̱i̱ oyiiksi a̱kaawaanistoomiaawa otssksini̱ssaawa a̱isksa̱omaniiyinai omi̱i A̱ʼpistotookiiyi.

John 5:20

Ni̱nna nitsi̱kohtakomimmoka nitohkoyi̱mmi̱yissi ki a̱nnihkayii nita̱waistama̱ttsooka annohka osto̱i̱ manista̱ʼpaisspi, niʼtoi na̱a̱hkoohkattanistaʼpaissi. Ki nino̱o̱hkattaistama̱atsooka na̱a̱hkanisttotsiihpa anniihka nitsipisa̱taistamatstohkatoohpihka. Ki nitsi̱tsstakka na̱a̱hkoʼtsitssksipisatanisttsissi ki a̱nniayii kita̱kanistsskaiʼtakia̱ttsookoaawa.

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”