John 3:2 - Annaahk John Manistsitsinikatahpi Jesus Manistsipaitapiihpiai 1979

² Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 3:2 Marejeleo ya Msalaba

John 1:38

Ki oma̱a Jesus ito̱ʼtakaoowa. Itsino̱yiiwaiksi otohpo̱ʼkiawaawahkaanaiksi. Itani̱stsiiwaiksi, “O̱ki tsa̱ anista̱piwa kita̱ʼpaissapihpoaawa?” Sota̱maniiyaawa “O̱ki Rabbi. Ta̱i̱sstaahpinnaan na̱a̱hkssksinissinnaani kitsi̱taopiihpi.” (O̱ki a̱a̱mohka “Rabbi” anista̱panioʼsina “a̱i̱ssksinimaatstohki.”)

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 12:37

Oki. Oma̱tomaiʼto̱o̱ka amo̱o̱ksi o̱tapiʼsini, ki̱i̱wa ota̱a̱kawohpi otsipisa̱taistamatstohkssiistsi. A̱nniayii Isaiah niitsi̱kayissiinaapaniiwa manista̱kaʼpiihpii.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 15:24

Nitsi̱tsspianisttsiihpistsi o̱tapiʼssina, ma̱tonoaitsstsiihpa noohki̱i̱tssimmi a̱nni a̱a̱hkanisttsi. Nika̱taaʼnisttotsiihtopiaawa ma̱takohtotoiʼma̱waiksaawa maka̱ʼpii. Ki nita̱nisttotsiihpiaawa, ki a̱nnohkayii nitsino̱o̱kiaawa, ki nimi̱skitsi̱kaimmokiaawa, kii ni̱nni.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 20:16

Oma̱a Jesus itani̱i̱wa, “Mary.” Ki oma̱a Mary sota̱mattsiita̱a̱kitapoʼtaksipoyiwa̱yi. A̱a̱nistsiiwayi, “Rabbi.” Amoohka “Rabbi” ota̱wattsiʼpoahsoaawa anista̱panioʼsina “A̱i̱ssksinimaatstohki.” Ami̱i̱ksi Jews otsi̱ʼpoahsoaayaawa.

John 3:26

Sota̱mitapo̱oyaawa Johni. Sota̱manistsiiyaawa̱yi omohtsawa̱a̱hsiʼtakssi anniska Jesus. Itani̱i̱yaawa, “O̱ki. Anna̱a̱hka ni̱naawahka kitsi̱tohpoksipoyiimokahka omii mi̱i̱stapinnaapoohtsi omii niyi̱tahtai, Jordan, a̱nnahkaoʼka annaahka kitsi̱ʼpoatomoawahka. Osto̱yi a̱nnoohka noohka̱ttawaatoaʼpistotakiwa kii kana̱i̱tapiiyi ai̱tapo̱oyinai.”

John 4:31

O̱ki. O̱o̱miksimaoʼkiawa Jesus oma̱nikapiimiksi ota̱waanikkaiksi, “A̱i̱ssksinimaatstohki, kita̱koohki̱i̱tsoyi.”

John 5:36

Nipi̱ʼkanisttsissiistsi annohka kita̱kohkottohtoʼtssksiniihpoaawa nitsipo̱o̱hsapsskoyissi A̱ʼpistotookiwa. John kino̱o̱hkattanikkoaawa nitsipo̱o̱hsapsskoyissi A̱ʼpistotookiyi. Ki amo̱stska nipi̱ʼkanisttsissiistska iʼtsi̱tsskstsiimatoomiaawa John ota̱nissiistsi.

John 6:2

Kii aka̱i̱tapiiyi itohpo̱ʼkiisapooyaawa omii otsi̱tapoohpi Jesus. Na̱i̱noyiiyaawa Jesus opisata̱i̱stamatstohkssiistsi mani̱stohkottotoahsayi a̱i̱sttsiistomiksi. A̱nnihkayii iihtohpo̱ʼkiio̱oyaawa.

John 7:31

Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 9:16

O̱ki. Ki a̱nnihkayii ami̱i̱ksi noohka̱ttanistapssiiksi Pharisees sota̱maniiyaawa, “Anna̱a̱hka Jesusahka ma̱taʼpaoʼtomoyiiwaatsiksi anniiska A̱ʼpistotookiiyi. Osto̱yi ma̱tanistaiʼtsi̱maatsi issiko̱piiksistsikookakihtsimaanistsi.” Kii anni̱i̱ksi istsi̱kiiksi a̱a̱niiyaawa, “Kii maka̱ʼpiipaitapiiksi ma̱taakohkottsipisataistamatstohki̱waiksi annoohka a̱nni.” Ki a̱nniai niitaya̱a̱kiitsiksimstaayaawa omi̱i̱ksi Pharisees.