John 3:11 - Annaahk John Manistsitsinikatahpi Jesus Manistsipaitapiihpiai 1979

¹¹ Kita̱kanisto niitsi̱i̱yi. Niisto̱nnaan no̱mohta̱i̱ʼpoyiihpinnaan ni̱tssksiniihpinnaanistsi kii nita̱i̱tsinikatoohpinnaan nitsini̱i̱hpinnaanistsi, ki kiisto̱aawa kima̱taisskaakomaiʼtookihpinnaan nita̱waaniihpinnaanistsi.

John 3:11 Marejeleo ya Msalaba

John 1:11

Itsito̱ʼtoowa otsi̱tsitapiihpi ki ota̱wattsitapiimiksi, amiiksi Jews, otsi̱tsstsimimmokaiksi.

John 1:18

Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 14:24

O̱ki, ki oma̱a nika̱taaʼkomimmoka osto̱yi ma̱takanistaiʼtsima nita̱a̱niihpistsi. Ki a̱nnohka kito̱o̱htookihpoaawaistsi kita̱a̱nistohpoaawaistsi, nima̱tawattanistoohpiaawa; nito̱ʼtsskookahka, ni̱nnahka otsi̱ʼpoahsinaistsi.

John 3:12

Ko̱mohta̱i̱sitsipssato a̱a̱mostska niitsi̱i̱stsi anno̱ma ksa̱a̱hkomma, ki kima̱takomaiʼtookihpoaawa. Kita̱ksta̱miitaʼpsaomaiʼtookihpoaawa ikka̱mohtssitsipssatoiniki isspo̱o̱htsim.

John 3:13

Kii niʼtsita̱piiwa a̱kaitapsspomo̱owa omiima isspo̱o̱htsim. Kii osto̱yi a̱nnahkaoʼka annaahka iihto̱ʼtsainnisoowahka isspo̱o̱htsim. Kii niisto̱ a̱nnahkaoʼka. Niisto̱wakaoʼka, annaahka Mata̱piiwahka.

John 3:3

Jesus itani̱stsiiwa̱yi, “O̱ki. Kita̱kanisto niitsi̱i̱yi. Sawa̱ttsistaiʼpokayiinoainiki kima̱takohkottsitsinsspoaawa anniiksi A̱ʼpistotookiwa otsi̱tsinayihpiksi mata̱piiksi.”

John 3:5

Oma̱a̱ Jesus itsipo̱ʼtanistsiiwayi, “Kita̱kanisto niitsi̱i̱yi. Sawa̱ttohtsistaiʼpokaayinoainiki aohki̱i̱ ki Natowo̱ttaki kima̱takohkottsitsinsspoaawa A̱ʼpistotookiwa anni̱i̱ksi otsi̱tsinayihpiksi.

John 5:43

Niisto̱wa no̱mohtoʼtoowa na̱a̱hkitaʼpoʼtomoahsii Ni̱nna A̱ʼpistotookiwa. Kii ki̱tsstsimimmokihpoaawa. Ikkami̱tsstsiihki kayi̱sstaʼpitawaanii A̱ʼpistotooki otsipo̱o̱hsapsskoyissi kita̱kitsiksimatomaiʼtoawaawa.

John 7:16

Jesus sota̱manistsiiwaiksi, Nima̱tohtaissksinima̱atstohkihpa niisto̱wa niksi̱msstaanistsi. Annaahka A̱ʼpistotookiwahka, nito̱ʼtsskookahka a̱nnahkaoʼka o̱mohtoʼtsstsiihpiaawa nitssksini̱maatstohkssiistsi.

John 8:14

O̱tsska̱nikkoaayaawayi, “Niisto̱wa imaksi̱ʼpoataomoohsiiniki nita̱kohkottomaiʼtookoowa nita̱a̱niihpi, takaa niisto̱wa ni̱tssksiniihpa no̱mohtoʼtoohpi kii nita̱kitapoohpi. Kiisto̱aawa kima̱tssksiniʼpoaawa no̱mohtoʼtoohpi ki nita̱akitapoohpi.

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”

John 8:38

Niisto̱wa a̱nnoohka no̱mohtaiʼpoyii omi̱i̱stsi nitsini̱ʼpinnaanistsi ni̱nna. Kiisto̱aawa kita̱waanisttotsiihpoaawa kita̱a̱niyihpoaawaistsi ki̱nnoaawa.”