John 17:11 - Annaahk John Manistsitsinikatahpi Jesus Manistsipaitapiihpiai 1979

¹¹ Nitaitamaaksistapa̱atoohpa ksa̱a̱hkommi. Niisto̱wa ta̱kitapoo kiisto̱wa. Osto̱aawai a̱kitsaakiitaʼpaissiiyaawa ksa̱a̱hkomm. A̱yo ni̱nnai. Kitsika̱toaʼpssi. Amo̱ksi a̱o̱maiʼtakiiksi isskska̱mmisaawa. Kanista̱pitapiiyihpi kani̱stsskonataʼpsspi, a̱nniayi noohkani̱stsskskammisaawa. Ki̱tohkokki na̱a̱hkaistamatstohkssi kanista̱pitapiiyihpi. Isskskammisaawa maahkohkanawanistapssaawa anni niʼtsita̱piiyi, ni̱i̱ʼtoi a̱nni kiisto̱wa ki niisto̱wa niitsi̱ʼtokskaaoʼpi.

John 17:11 Marejeleo ya Msalaba

John 17:25

A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.

John 16:33

Anni̱i̱stska kita̱a̱nistohpoaawaistska, no̱mohtanistoohpiaawa ka̱a̱hkohtoʼtoʼtsissoaayi iʼta̱a̱ma̱ʼpi. Kita̱kohtsitoʼtoʼtsiihpoaawa iʼta̱amaʼpii niisto̱wa. Anno̱o ksa̱a̱hko̱mma kita̱ki̱tsinaokohkoyiʼpoaawa. Iika̱ʼkimaaka. Niisto̱wa ta̱i̱tamaakssikaatstoʼpa saommitaʼpi anno̱o ksa̱a̱hkomma.

John 14:20

Anniihka aaʼnistsi̱i̱si kita̱kitotsistapiʼtsiihpoaawa niisto̱wa nomohpipa̱i̱tapiiʼssi ni̱nna, ki komohpipa̱i̱tapiiʼsoaayi niisto̱wa, ki niisto̱wa nomohpipa̱i̱tapiiʼssi kiisto̱aawa.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka

John 17:6

Omi̱i̱ksi kitsi̱tohkokkihpiksi anno̱o istsitapi̱i̱ksi ksa̱a̱hkommi nita̱i̱stamatsaayaawa kiisto̱wa kanista̱pitapiiyihpi. Kiisto̱wa kitsina̱a̱natayaawa, kii niisto̱wa kitohkokkiaawa, ki sota̱manistsiʼtsimiaawa kitsi̱i̱ʼpoahsini.

John 17:23

Niisto̱wa no̱mohpipaitapiiyi amo̱ksi, kiisto̱wa ko̱mohpipaitapiiyi niisto̱wa. Ta̱waatsi̱moihkaahtamoayaawa ma̱a̱hkikkiaʼyaohkanaanistapssaawa a̱nni niʼtsita̱pii. Ki a̱nnihkayii ka̱taʼyaomaiʼtakiiksi a̱kohtsitssksinimiaawa kiisto a̱nnayi kito̱ʼtsskookssi. Ki a̱kitssksinimiaawa niʼto̱i kanista̱komimmahsi amoksi kanista̱komimmokihpi.