John 17:1 - Annaahk John Manistsitsinikatahpi Jesus Manistsipaitapiihpiai 1979

¹ A̱nniai a̱a̱niiwa Jesus. O̱ki. Sota̱mitapsspsspapiwa isspo̱o̱hsi. Sota̱maniiwa, “A̱yo ni̱nna. A̱kaoʼtsstsiiwa annihka nitsi̱takanisttotsiihpi nita̱yaakanisttsiihpi. Niisto̱akaoʼka kohko̱wa. Noohka̱i̱stamatstoktoota nani̱stsspsspi. Ki a̱nnihkayi nita̱kitohkottaistamatstohkatoʼpa kani̱stsspsspi.

John 17:1 Marejeleo ya Msalaba

John 11:4

Ki Jesus ota̱ʼyoohtsissi itani̱i̱wa “Aiʼksista̱aʼpaisttsiistomisi a̱kitsakia̱i̱paitapiiwa. A̱a̱mohka iihtani̱stsiiwa A̱ʼpistotookiwa a̱a̱hkohtsspipoʼtoawa. Ki niisto̱wa, ohko̱yi, nita̱kohtsspipoʼtookoowa.”

John 11:41

Ki a̱nniayi omi̱i o̱mahkoohkotoki sota̱manistapipoʼtoa̱wa. Jesus itsspssa̱piwa ki itani̱i̱wa, “A̱yo Ninna̱. Ko̱mohtsiksimatsimmo kita̱yisstsiwokssi.

John 12:23

O̱ki. Jesus itani̱i̱wa, “A̱nnohkaoʼka a̱o̱ʼtsstsiiwa nitsi̱taaksinaya̱ttsookoyi. Niisto̱akaoʼka annaahka Mata̱piiwahka.”

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.

John 16:32

I̱sstsiiyik. A̱yaakoʼtsstsiiwa kitsi̱takohkanaisskikkihpoaawayi. Kita̱kohkanawa̱niitoohpoaawa. Kita̱kitohkanawaaniitahkayihpoaawa. Kita̱kitsiʼtsi̱taisskikkihpoaawa. Ki niisto̱wa nima̱takitsiitaʼpiʼtsitaisskikkowa. Ni̱nna ni̱tohpokaʼpaissiimoka.

John 7:30

O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.

John 8:20

A̱nniai a̱a̱niiwa Jesus. Omii o̱mahkitawaatsi̱moihkaaoʼpi omii ita̱i̱kkitstakioʼpi iihta̱o̱pommaoʼpi, a̱nnimaoʼka otsi̱taniihpi a̱a̱mohka. Ki ma̱tsitsinna̱waatsi. Takaa ma̱tomaoʼtsstsi̱i̱wa ita̱aksiʼnitahpi.