John 16:13 - Annaahk John Manistsitsinikatahpi Jesus Manistsipaitapiihpiai 1979

¹³ Ki oma̱ahka kita̱kohkokkoaawahka moka̱moʼtaʼpiiyi, oma̱ahka Natowo̱ttakahka aa̱oʼtoosi kita̱kito̱kamoʼtsi̱piookoaawa ka̱a̱hkiitaʼpoka̱mootssksinima̱atsookoohsoaayi. Anni̱i̱stsiska kita̱kaistamattsi̱yiihpoawayistska osto̱yi ma̱takohtoʼtsstsi̱i̱waistsaawa. A̱a̱nistahpistsi, a̱nnistskaoʼki kita̱kaistama̱atsookoaawa. Ki kita̱ksi̱kayissaistama̱atsookoaawa ota̱yaakanistsiihpi.

John 16:13 Marejeleo ya Msalaba

John 14:26

Ki oma̱ahka kita̱ka̱i̱sspommokoaawahka oma̱a̱hka natowo̱ttakahka, kita̱kssksinima̱atsookoaawa kana̱ʼpaisistsi. Kita̱ksspommookoaawa ka̱a̱hksskssksinissoaayi kana̱ʼpaisistsi kita̱a̱nistohpoaawaistsi. Oma̱a Natowo̱ttaka, a̱nniskaoʼkinai ota̱koʼtsskoai ni̱nna. Niisto̱yi a̱kohtoʼtsskoyiiwayi.

John 14:17

Oma̱a̱hka noohki̱i̱tssimmahka a̱nnahkao̱ʼka annaahka kita̱kohkokkoaawahka moka̱moʼtaʼpi. A̱nnahkaoʼka annaahka Natowo̱ttakahka. Ka̱taʼyaomaiʼtakiiksi ma̱takohkottoʼtoyiiwaiksi Natowo̱ttaki. Ma̱takohkottsinapimmi̱waiksaawayi. Ma̱takohkottonoyiiwaiksaawayi. Kiisto̱waawa ki̱tssksinoaawaawa. Ki̱tohpokaʼpaissiimokoaawa, kii kita̱ksistomatawaawa.

John 15:26

Oma̱a̱hk kita̱ksspommookoaawahka a̱koʼtoowa. Osto̱yi nita̱kohtoʼtsskoawa anniska ni̱nniska. A̱nnahkaoʼka Natowo̱ttakahka. Kita̱kohkokkoaawa moka̱moʼtaʼpi. Osto̱yi a̱kohtoʼtoowa ni̱nni, ki a̱kaistamatsiiwa mata̱piiyi nita̱mihpi. Ki ta̱kohtssksinimaatsookoaawa niisto̱yi.

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 8:38

Niisto̱wa a̱nnoohka no̱mohtaiʼpoyii omi̱i̱stsi nitsini̱ʼpinnaanistsi ni̱nna. Kiisto̱aawa kita̱waanisttotsiihpoaawa kita̱a̱niyihpoaawaistsi ki̱nnoaawa.”

John 3:32

Iihtsi̱ʼpoyiiwa otsini̱ʼpistsi kii oto̱o̱htsiihpiistsi. Kii iko̱nnatsitapiiyi otsi̱i̱imaiʼtookiiksi.

John 16:12

O̱ki. A̱nnoohka itsi̱i̱stapakawoyi ka̱a̱hkanistohpoaawaistsi. A̱nnohka kima̱takohkottanistohpoaawaistsaawa. Kita̱kiiko̱mayikiʼtsiihpoaayaawa.