John 14:4 - Annaahk John Manistsitsinikatahpi Jesus Manistsipaitapiihpiai 1979

⁴ Kii kiisto̱aawa kika̱i̱ssksiniihpoaawa ka̱a̱hkanistohkoitoʼtoohpoaawayi nita̱yaakitapoohpi.”

John 14:4 Marejeleo ya Msalaba

John 10:9

O̱ki. Niisto̱ahkaoʼka omii kitsi̱mi. Oma̱a mata̱piwa ikka̱mohtsitohkoyikisi niisto̱yi ma̱a̱hkohtsipissi a̱kitsikamotsi̱i̱piaawa, a̱komiiksistanistapssiwa a̱nni i̱i̱mahkihkinaawa a̱kiʼtaamaipiima, ki a̱kiʼtaamaisaksiiwa; a̱ksotamohko̱oyiwa sa̱i̱skssiimokoyi.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 14:2

Omi̱i̱m Ni̱nna A̱ʼpistotookiwa otsi̱taopiihpim itaka̱woyaawa omiistsi ita̱i̱psto̱pa̱oʼpistsi. A̱mohka ka̱taaʼnistsiiopi kima̱takanistohpoaawa. Niisto̱wa ta̱kohtsitapoo ka̱a̱hkohtaʼpistotomoohsoayi ka̱a̱hkitaopihpoaawa.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 6:40

Takaa niitsitsi̱i̱htaawa ni̱nna A̱ʼpistotookiwa ami̱i̱ksiska ta̱o̱nookiiksi ta̱mssi anniska ohko̱yi ikkamo̱maiʼtootsiinikiaawa a̱kitoʼtsimiaawa a̱i̱ssksipaitapiiʼssini. Ki nita̱kohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoyi.”

John 3:36

Kana̱o̱maiʼtoyiiksi ohko̱yi a̱kaohkota̱yaawa a̱i̱sksipaitapiʼssini. Ki omi̱i̱ksi ka̱taaʼnistaiʼtoyiiksi ohko̱yi ma̱tohkotawaiksi amoohka niipa̱i̱tapiʼssinihka. A̱ʼpistotookiwa i̱i̱kaohtokakihtsimatsiiwaiksi opahtsa̱ʼpssoaawaistsi.

John 14:28

Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 12:26

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 14:3

Kii aoto̱i̱ʼksistaʼpistotsiminikiaawa ta̱ki̱tsskaistoo. Kita̱kitohpoʼkii̱pioohpoaawa, kii a̱nnimayii kita̱kitaʼpaisspoaawa omiima nitsi̱takaʼpaisspi.

John 14:5

O̱ki. Oma̱a Thomas itani̱i̱wa, “O̱ki, nitsi̱naaimi. Nima̱tssksiniihpinnaan kita̱kitapoohpi. Tsa̱a̱htaa na̱a̱hkanistohkottssksiniihpinna̱a̱nahta na̱a̱hkanistohkoitoʼtoohpinnaani.”