John 14:10 - Annaahk John Manistsitsinikatahpi Jesus Manistsipaitapiihpiai 1979

¹⁰ Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 14:10 Marejeleo ya Msalaba

John 5:19

Ki a̱nnihkayii Jesus iihtani̱stsiiwaiksi anniihka o̱mohtaniihpihka “Ni̱nna ma̱ta̱o̱noaiksistaʼpoʼtaki ki a̱nnihkayii nino̱o̱hkattohtaʼpaoʼtaki i̱makssikopiiksistsikosi.” A̱a̱nistsiiwaiksi, “Nitohkoyimi̱yissi A̱ʼpistotookiwa no̱mohtanistaʼpaissi osto̱yi manista̱ʼpaisspi. Nima̱tawawattanisttotsiiʼpaatsi niisto̱wa. Osto̱yi ta̱waistama̱atsooka manista̱ʼpaisspi niʼto̱i̱ na̱a̱hkoohkattanistaʼpaissi. Ki nitsi̱tawanisttotsiiʼpi nanista̱waistamattsi̱yihpi.

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 10:30

Niisto̱wa ki ni̱nna nitsi̱ʼtokskaahpinnaan.”

John 8:28

Ki a̱nnihkayi Jesus iihtani̱stsiiwaiksi, “Niisto a̱nnaoʼka annaahka Mata̱piiwahka. Kiisto̱aawa aiʼsspipipo̱ʼtookiinoainiki ki a̱nnikayii kita̱kitssksiniʼpoaawa niisto̱akaoʼka. Kii ma̱tsitsstsiihpa nita̱wattanisttotsiihpi. Nika̱ksaanistoohpiaawa nita̱i̱ssksinimaatsiyihpi ni̱nna.

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 5:17

Jesus itani̱stsiiwaiksi o̱mohta̱ohkottotsimaahpi i̱makssikopiiksistsikosi. Itani̱i̱wa, “Ni̱nna A̱ʼpistotookiwa, ma̱tomaikakssikaʼpoʼtakiwaatsi kii niisto̱wa nino̱o̱hkattaʼpaoʼtaki.”

John 8:38

Niisto̱wa a̱nnoohka no̱mohtaiʼpoyii omi̱i̱stsi nitsini̱ʼpinnaanistsi ni̱nna. Kiisto̱aawa kita̱waanisttotsiihpoaawa kita̱a̱niyihpoaawaistsi ki̱nnoaawa.”

John 14:20

Anniihka aaʼnistsi̱i̱si kita̱kitotsistapiʼtsiihpoaawa niisto̱wa nomohpipa̱i̱tapiiʼssi ni̱nna, ki komohpipa̱i̱tapiiʼsoaayi niisto̱wa, ki niisto̱wa nomohpipa̱i̱tapiiʼssi kiisto̱aawa.

John 7:16

Jesus sota̱manistsiiwaiksi, Nima̱tohtaissksinima̱atstohkihpa niisto̱wa niksi̱msstaanistsi. Annaahka A̱ʼpistotookiwahka, nito̱ʼtsskookahka a̱nnahkaoʼka o̱mohtoʼtsstsiihpiaawa nitssksini̱maatstohkssiistsi.

John 8:40

Kitsi̱i̱kamoʼtanistohpoaawa no̱mohtoʼtoohtsiihpistsi A̱ʼpistotookiwa, ki kiisto̱aawa kita̱i̱ssaksiʼnikkihpoaawa. Abraham ma̱tanistapitapi̱i̱waatsi.

John 11:26

Ki kana̱i̱paitapiiksi nita̱o̱maiʼtookiiksi ma̱takonoaitaʼpohkoiʼniiwaiksi. Kika̱taoʼmaiʼtsiihpaatsi?”

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 14:11

Ama̱i̱ʼtsit nomohpipa̱i̱tapiʼssi ni̱nna kii omohpipa̱i̱tapiʼssi niisto̱yi. Ikkama̱nistaiksimsstaainoainiki kitsawa̱ohkottomaiʼtsissooaayi inao̱ʼkohtomaiʼtakika nitsipisatani̱sttsissiistsi.

John 14:24

O̱ki, ki oma̱a nika̱taaʼkomimmoka osto̱yi ma̱takanistaiʼtsima nita̱a̱niihpistsi. Ki a̱nnohka kito̱o̱htookihpoaawaistsi kita̱a̱nistohpoaawaistsi, nima̱tawattanistoohpiaawa; nito̱ʼtsskookahka, ni̱nnahka otsi̱ʼpoahsinaistsi.