John 12:9 - Annaahk John Manistsitsinikatahpi Jesus Manistsipaitapiihpiai 1979

⁹ O̱ki. Omiiksi isska̱i̱ʼtapiiyi Jews itohtsi̱matsiiwa Jesus otsi̱taʼpaitapiiʼssayi omiim Bethany. Ki sota̱mitapo̱o̱yaawa. Noohka̱ttsiksimsstayaawa ma̱a̱hkoohkattsinoahsaawa anniiska Lazarus, anniiska na̱i̱ssksipoa̱aa̱ttsaayiska. Ki a̱nnihkayi iihtsita̱pooyaawa. Ma̱tsiʼtsitaotoissammiiwaiksaawa ami̱i Jesus.

John 12:9 Marejeleo ya Msalaba

John 12:1

O̱ki. Sa̱kiawa̱aaiksistsikoi o tsi̱taakoʼtsstsiihpi o̱mahksiksistsikoia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. A̱nnika Jesus sota̱mitapoowa Bethany; a̱nnima otsi̱taopiihpiayi Lazarus. A̱nniskaoʼkinai Jesus o̱tssksipoa̱aa̱ttsaayiska.

John 12:10

Aka̱i̱tapiiyi Jews iihko̱i̱ssksinoyiiksi Lazarus iihtoma̱tapomaiʼtoyiiksi Jesus. Itsa̱wattohtsikiiyaawa omi̱i̱ksi otsi̱naato̱yaapiikoaamoaawaiksi. Ki a̱nniai omiiksi ni̱naato̱yaapiikoaiksi itoka̱kihtsimaayaawa ma̱a̱hkoohka̱ttsiʼnitahsaawa Lazarus.

John 12:12

O̱ki. Ki a̱nnia mattsiksi̱stsikoyia aka̱i̱tapiiyi na̱o̱ʼtotoohkanaʼpssatoomiiksi omiia o̱mahksiksistsikoyia omiim Jerusalem. Iika̱kaitapiiyi itohtsi̱matsiiksi Jesus a̱tamaakitoʼtoowa.

John 12:17

Kii, ki omi̱i̱ksi mata̱piiksi itsino̱yiiksi Jesus ota̱i̱ʼnihkatahsi Lazarus, ota̱i̱ssksipoa̱aa̱ttsaahsi sota̱momatapohta̱o̱kamoʼtaniiyaawa otsini̱i̱hpoaawa yi.