John 1:43 - Annaahk John Manistsitsinikatahpi Jesus Manistsipaitapiihpiai 1979

⁴³ O̱ki. A̱nnia mattsiksi̱stsikoi Jesus itani̱stsitsiihtaawa ma̱a̱hkitapoohsi Galilee. Itohko̱o̱noyiiwa anniska Philipisk. Itani̱stsiiwayi, “Oki̱h. Po̱ʼkiioot.”

John 1:43 Marejeleo ya Msalaba

John 1:28

O̱ki. Kii a̱a̱mohka itani̱stsiiwa mi̱stapinna̱a̱poohtsi omii niyi̱tahtai Jordan. A̱nnimayii itsstsiiwa aka̱i̱tapisskowa, Bethany. A̱nnimayii itawa̱a̱toaʼpistotakiwa John.

John 1:29

O̱ki. A̱nnia mattsiksi̱stsikoyi John itsino̱yiiwa Jesus oto̱ʼtoohsi. Sota̱maniiwa, “O̱o̱mayaoʼka A̱ʼpistotookiwa anniska otsi̱tsipoʼtoayiska ma̱a̱hkitotoisapssi omiiksiska i̱i̱mahkihkinaaikska iʼnita̱i̱kska a̱a̱hkikkitsstsaahsi. A̱kohtsitssiinomoawa o̱tapiʼssini opahtsa̱ʼpssini.

John 1:35

O̱ki. A̱nniya mattsiksi̱stsikoi oma̱a John iihpoki̱taipoyiimiiwa amo̱ksi na̱tsitapii ota̱i̱sokaissksinima̱atsaaiksi.

John 1:37

Kii ki omi̱i̱kska John ota̱i̱ssksinimaatsaaiksi otsi̱toohtookaiksi, ki a̱nnihkayii iihtohpo̱ʼkiisapooyaawa Jesus ma̱a̱hkanistapssaawa ota̱i̱ssksinimaatsaaiksi.

John 1:44

(Oma̱a Philip itoko̱yiiwa omii aka̱i̱tapissko i Bethsaida, ni̱ʼtoyi omi̱i Andrew kii Peter.)

John 12:21

Kii, ki ami̱i̱ksi noohki̱i̱tsitapiiksi sota̱mitapo̱oyaawa anniiska Philip, iihto̱ʼtooyiska Bethsaida. Istaka̱i̱tapisskowa Galilee. Sota̱manistsiiyaawayi, “O̱ki. Nita̱i̱sstaahpinnaan na̱a̱hkssitsipssatahsinnaani Jesus.”

John 14:8

O̱ki. Itani̱i̱wa oma̱a Philip, “O̱ki nitsi̱naaimi. Noohka̱i̱stamaatsookinnaan ki̱nnoona; a̱nniayi kino̱o̱hkanisto̱kamanistohpinnaana. Nima̱takattsitsspo̱kamaniihpinnaan.”

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 6:5

O̱ki. Oma̱a Jesus sota̱mssapiwa. Sota̱minoyiiwa niita̱ʼpakaitapiiyi otsipo̱o̱hsapoohsaawa. Kii itani̱stsiiwa omi̱i Philip, “Ma̱tsitsstsiihpa a̱a̱hkitohpommaaoʼsi ma̱a̱hkitotoisapanistsoohpi a̱a̱hkohtsiisoahpiaawa amo̱o̱ksi. A̱koohksikioʼpa?”

John 6:7

O̱ki Philip itani̱stsiiwayi, “Kii a̱kanistsoohtoohpa aa̱wahsini niʼto̱mahksikiipippiaawa iimaki̱ʼnaksiisoahki manistsi̱ʼtsitapiihpi.”