Tushimpi 8:36 - Baibo Busansulushi Bwa Libuku Ili

³⁶ Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Tushimpi 8:36 Marejeleo ya Msalaba

Jobo 35:6

Na webo wabisha, ino Lesa cilamucisa buyani? Na shibiibi shako nshiinji, ino ico lakwe cilamucitilanshi?

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 12:1

Muntu usuni kululikwa, ingayi ulisuni lushibo, sombi uyo utasuni kululikwa, ingayi ngumuluya.

Tushimpi 15:32

Uyo ukaka kululikwa ingayi utoolisebaanyabo mwiine, sombi uyo woonse usumina kululikwa ulaakuba amaano akunyumfwisha shintu.

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 21:6

Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.

Isaya 3:9

Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.

Jelemiya 27:13

Ono mwebo abantu banu mutooyanda kufwitanshi kunkondo, kunsala akumwaalu? Ishi nsheshintu isho Mwaami Lesa nshaapingite kucitila mushobo uli woonse uyo weshi ukabule kusebensela mwaami wa bene Babiloni.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Milimo ya Batumwi 13:46

Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe.

Milimo ya Batumwi 16:28

Sombi Paulo wakoolobesha ayi, “Utalicaayi! Swebo soonse motuli!”

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.