Tushimpi 6:25 - Baibo Busansulushi Bwa Libuku Ili

²⁵ Utakumbwili mumoyo mbwaaimfwi alimwi meenso akwe ayungoola atakutoleli moyo.

Tushimpi 6:25 Marejeleo ya Msalaba

2 Baami 9:30

Jewu wakashika kuJesiliilu. Jesebelo ndyaakanyumfwa shakacitika, wakalibamba kumeenso akusakula kabotu misusu yakwe. Lyalo wakaya weemikana pambwelyo kaasondela.

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Lwiimbo lwakwe Solomoni 4:9

Omweensuma, onabwiinga wangu, wanjipila moyo. Wanjipila moyo ndiwanangilishabo linkanda lyomwi akalo kancetani kako nkoofwete munshingo bweenka.

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Jelemiya 4:30

Utoocitanshi webo ondabala yakanyonyoolwa? Utoofwalilanshi shisani shifubelafubela akufwala shakulibotesha sha golodi? Ino walinanikilanshi shakulibotesha mumeenso? Bana utoolipenshabo kulibotesha. Abo bakalinga kukusuni, bakakusuula. Bulya batoopinga kukucaya.

Esekelo 23:40

“Bakalinga kutuma beshinkombe kuya mukwiita basankwa baswa kulaamfu. Ono na besa banakashi abo bakalinga kubasambila, banana shakunanika kunkoye shabo akufwala shakulibotesha.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Dutolonomi 5:21

“ ‘Utakumbwi mukamwiine camunyono. Utakumbwi camunyono ŋanda ya shikamukobonyoko, muunda wakwe, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.’