Tushimpi 6:17 - Baibo Busansulushi Bwa Libuku Ili

¹⁷ Meenso acimeko, mulomo ubeca, Maansa atila bulowa bwa bantu batacite mulandu,

Tushimpi 6:17 Marejeleo ya Msalaba

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

Kulumbaisha 10:4

Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.

Kulumbaisha 101:5

Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.

Kulumbaisha 131:1

NoBaami baLesa, ndacileka kulisumpula alimwi ndasowa kulisuna kwangu koonse. Kushintu shinyinda ciimo nshibikiiko maano nabi kukusha moyo kushintu shikankamika.

Kulumbaisha 18:27

Mulapulusha baabo balibombya, sombi mulaboosha panshi abo balisumpula.

Kulumbaisha 31:18

Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.

Kulumbaisha 5:6

Mulanyonyoola bantu beshikubeca. Mulacimwa bantu batila bulowa alimwi abeshikwiinda bamwi kumaano.

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Tushimpi 1:11

Cimwi ciindi inga bakwaambila ayi, “Kosa kuno atubelaminewo muntu tumucaaye, atuyubilile akuuma bantu nabi tabacite milandu!

Tushimpi 1:16

ceebo balo tabacelwi kucita shintu shibiibi. Ncakwiila mbantu bafwambaana kutila bulowa.

Tushimpi 12:22

Mwaami Lesa ulipatite milomo ibeca, sombi ulasangalalila mubantu baamba shalushinisho.

Tushimpi 14:5

Kamboni walushinisho taambiwo shabubeshi, sombi kamboni mubeshi uloomputabo shakuumputa.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Tushimpi 17:7

Maswi abotu taaeleli kwaamba muluya, bweenka mbuli mweendeleshi mbwaateeleli kubeca.

Tushimpi 21:4

Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 26:28

Muntu ubeca ulapata baabo mbwaabekesha. Mulomo waamba shabubeshi ulalengesha kunyonyoolwa.

Tushimpi 28:17

Muntu uyo upenshekwa aceebo cakutila bulowa bwa umwi ulaakunoocicacicabo kushikila akafwe, kuteelesha kumufuna.

Tushimpi 30:13

“Kuli bantu balisumpula, ee, abo balanga babyaabo cakunaama.

Tushimpi 6:16

Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Isaya 3:9

Mbonekelo sha shiwa shabo shilabashinina. Balacita shibiibi cakutashisa bweenka bwakalinga kucita bene Sodoma. Ndushinisho balyeelete kunyonyooka alimwi kunyonyooka uko nkwakuliletela beene.

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Dutolonomi 19:10

Mukacite mbomunya ubo kwaamba ayi bantu batacite mulandu batakacaikwi alimwi ayi mutakabi amulandu wakutila bulowa mucishi ico Mwaami Lesa, Lesa wanu ncaatoomupa.

Dutolonomi 27:25

“ ‘Aashinganishikwe muntu uli woonse uyo utambula makulo ayi acaye mubye utacite mulandu.’ “Mpeeke bantu boonse balaakwaamba ayi, ‘Ameni!’

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.