Tushimpi 31:10 - Baibo Busansulushi Bwa Libuku Ili

¹⁰ Nciyumu kucana mwanakashi ucite mibo ibotu. Mwanakashi weelete uleenda mabwe amakwebo eetwa ayi lubi.

Tushimpi 31:10 Marejeleo ya Msalaba

Jobo 28:18

Busongo buleendaawo pamweelo wa mabwe eetwa ayi kolali nabi a jasipa. Ncakwiila mweelo wa mbubo ulasotoka pawa mabwe alubi.

Tushimpi 12:4

Mwanakashi ucite mibo ibotu uli anga ngumushini kuli ibaye, sombi mwanakashi ulensha nsoni ibaye uli anga mbulwashi bwa mumafuwa kuli nguwe.

Tushimpi 14:1

Mwanakashi musongo ulayaka bamuŋanda yakwe, sombi muluya uleemwaya kumilimo yakwe mwiine.

Tushimpi 18:22

Uyo ucana mwanakashi wakweeba, ulacana cintu cibotu alimwi Mwaami Lesa ulamunyumfwila nkumbu.

Tushimpi 19:14

Muntu ulakonsha kupyana buboni bwa bashali bakwe boonse, sombi mwanakashi ucenjete ncipo ciswa kuMwaami Lesa.

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.

Tushimpi 3:15

Ncakwiila mbubotu kwiinda mabwe amakwebo eetwa ayi lubi alimwi taakuuwo cintu nabi comwi ncoosunishi nceenga ceelana ambubo.

Tushimpi 31:11

Ibaye ulamushoma amoyo wakwe woonse, alimwi taaku cibotu nceshi akabuleewo nabi comwi.

Tushimpi 8:11

“Nebo nebusongo nsheeleneewo amabwe amakwebo eetwa ayi lubi. Taakuuwo nabi comwi nceenga wasunisha ceenga ceenda ndime.

Shikushimikila 7:28

Ndalema kuyandoola, sombi ndaalilwa kucana nshila. Ndakacana musankwa uyo ululeme pakati ka bantu bakalinga cuulu. Sombi nshikwe kucanawo mwanakashi ululeme nabi womwi pakati kabo.

Lute 3:11

Ono utaloondi Lute. Ntoocita shoonse nshewasenga, ceebo muntu woonse mundabala ino ulishi kwaamba ayi uli mwanakashi ucite mibo ibotu.

1 Samwelo 25:3

Musankwa uyo wakalinga kwiitwa ayi Nabali, wa mucipani cakwe Kalebu. Mukaakwe wakalinga kwiitwa ayi Abigelo. Mwanakashi uyo wakalinga musongo alimwi mubotu ciwa, sombi musankwa wakalinga muunyu alimwi ucenena.