Tushimpi 30:14 - Baibo Busansulushi Bwa Libuku Ili

¹⁴ Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Tushimpi 30:14 Marejeleo ya Msalaba

Jobo 29:17

Ndakalinga kunyonyoola nkusu sha bamucita shibi akubalengesha kuleka baabo mbobakalinga kupensha.

Jobo 41:14

Ino ngani weenga walyaaba kumucenamuna mibanga yakwe bulya micendwa yakwe iyo mbooicite meeno aloondesha?

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 124:6

Aalumbaishikwe Mwaami Lesa uyo utakwe kutulekelesha ayi balwani abo batunyonyoole.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 57:5

NobaLesa amutondeshe nkusu shanu mwiculu, bulemu bwanu abuboneke pacishi ca panshi coonse!

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Tushimpi 22:16

Uyo ulyatilila bakandu ayi abililewo, awooyo upa shipo kubantu babile kale, boonse balaba bakandu.

Tushimpi 28:3

Muleli ulyatilila bakandu ulibo anga nimfula yamuuwo iwisha shishango.

Tushimpi 30:15

“Munshuundu ulicite baana banakashi bobilo. Balo balalilabo ayi, ‘Leta, leta!’ “Kuli shintu shotatwe shitakuti nabibo shone shitaambi ayi, ‘Mbubo.’

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Esekelo 22:6

“ ‘Mutanjilili womwi awomwi wa bene Isilaeli uli muli ndiwe ulasebensesha nkusu shakwe kutila bulowa.

Esekelo 34:3

Mulanwa mandili, mulafwala nsalu shakatungwa abooya bwa mbelele, mulacaya akulya mbelele shiinite, sombi tamulaami litanga napaceyi.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Ciyubululo 9:8

Misusu ya nshisho yakalinga ilaamfu anga nja banakashi, aalo meeno akalinga anga nga nkalamu.