Tushimpi 30:10 - Baibo Busansulushi Bwa Libuku Ili

¹⁰ “Utabekeshi musebenshi kumwaami wakwe ceebo ulaakukushingana akukupa mulandu.

Tushimpi 30:10 Marejeleo ya Msalaba

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Tushimpi 11:26

Bantu balashingana muntu ukasha kuulisha shili anga ngamaila, sombi balalumbaisha muntu uyo ushuulisha.

Tushimpi 28:27

Uyo upako bakandu taaku nceshi akapenge, sombi uyo ushinshibata ababona, ulaakushinganwa ciine.

Shikushimikila 7:21

Utanookutika maswi oonse ayo bantu ngobaamba mukwiinga bumwi bushiku inga wanyumfwa musebeshi wako kaakushingana.

Danyelo 6:13

Mpeeke bakaambila mwaami ayi, “Danyelo womwi wa basha abo bakaswa kucishi ca Juda taamulemeki nobaami nabi kukonkela mulawo uyo ngomwakapanga. Lakwe ucipaila kuli Lesa wakwe mankanda otatwe pabushiku.”

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Bene Loma 14:4

Tooelete kubona musebenshi wa muntu umwi ayi utoobisha. Ngumwaami wakwe mwiine ngweenga wakonsha kwishiba na wacita kabotu nabi tau. Kwalo ndishi kwaamba ayi ulaakucita kabotu mukwiinga Lesa ulaakumuyumya.

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.

Dutolonomi 23:15

“Ono na musha umwi waloboka mwaami wakwe, ono wesa mukuyuba kuli ndimwe, mutamubooshi kumwaami wakwe.

1 Samwelo 24:9

Mpeeke wakaambila Saulo ayi, “Ceebonshi mutoonyumfwila bantu batoomulwiita ayi nebo ntoomufwima ayi mucaaye?

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.

1 Samwelo 30:15

Mpomunyaawo Defedi wakeepusha ayi, “Sa inga wantoola kubete likoto lya bashilumamba ilyo ndiwakalingaalyo?” Alakwe wakakumbula ayi, “Inga ndamutola nkolibete na mwanshomesha cakulumbila muliina lyakwe Lesa ayi teshi muye mukancaaye nabi kumboosha kumwaami wangu.”