Tushimpi 3:33 - Baibo Busansulushi Bwa Libuku Ili

³³ Mwaami Lesa ulashingana ba muŋanda ya bamucita shibi sombi ulapa coolwe bamuŋanda ya baluleme.

Tushimpi 3:33 Marejeleo ya Msalaba

2 Samwelo 6:11

Lyalo lyakekala muŋanda yakwe Obedi Edomu mwine Gati kwamyeenshi yotatwe. Mpeeke Mwaami Lesa wakamupa coolwe pantu pomwi abamuŋanda yakwe boonse.

Jobo 24:18

“Mucita shibi ulatolwa amukuuku wa maanshi. Musena wakwe mucishi wakashinganwa aLesa cakwaamba ayi taakoonshi kuya mukusebensa mumuunda wakwe wa minyansa.

Jobo 31:12

Cibiibi ico cili anga ngumulilo unyonyoola shoonse, ndushinisho mulilo uyo ukonsha kunyonyoola shoonse nsheencite.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 37:22

Ceebo abo bapetwe coolwe kuMwaami Lesa balaakupekwa cishi. Sombi abo Mwaami Lesa mbwaakashingana balaakutandwaamo.

Kulumbaisha 91:10

Aboobo taaku cintu ceshi cikakuciise, alimwi taaku cinyonyoola ceshi cikese paŋanda yako.

Tushimpi 10:6

Coolwe cilapekwa kumuntu ululeme, sombi maswi a mucita shibi alashisa mibo yakwe ya lunkutwe.

Tushimpi 14:11

Ŋanda ya mucita shibi ilaakunyonyoolwa, sombi ya muntu ululeme ilaakucaala moyakeemikanina.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Tushimpi 21:12

Lesa ululeme uleshiba shicitika mumaanda a bamucita shibi alimwi ulaakunyonyoola bamucita shibi boonse.

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Dutolonomi 11:28

Sombi litooba lishingo na mwiisuule akutalika kulambila balesa abo mbomutana kulambilawo kale.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Joshuwa 6:18

Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.

Joshuwa 7:13

“Nyamuka, koya ubasalashe bantu. Ubalwiite ayi bakalibambile kwisa kunembo lyangu ciilo. Nebo neMwaami Lesa, Lesa wa bene Isilaeli ndisuni kubalwiita ayi, ‘Nobene Isilaeli pakati kanu pali shintu sheelete kunyonyoolwa. Aboobo inga tamulwaniiwo akukoma balwani banu na mubule kushikusha pakati kanu.