Tushimpi 3:12 - Baibo Busansulushi Bwa Libuku Ili

¹² Ceebo Mwaami Lesa ulalulamika muntu woonse ngwaasuni, bweenka mushali musankwa mbwaalulika mwanaakwe uyo umusangalasha.

Tushimpi 3:12 Marejeleo ya Msalaba

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 94:12

NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.

Tushimpi 13:24

Uyo utoomi mwanaakwe amusako, ingayi taamusuniiwo, sombi uyo umusuni ulamululika.

Tushimpi 29:17

Lulika mwanaako musankwa ndyeshi akacileke kukupensha, lyalo ulaakukulengesha kusangalala.

Dutolonomi 8:5

Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.

Bene Ebulu 12:6

Ceebo Mwaami ulalulamika muntu woonse ngwaasuni, alimwi ulooma mwaana uli woonse ngwaatambula.”

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.