Tushimpi 29:25 - Baibo Busansulushi Bwa Libuku Ili

²⁵ Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Tushimpi 29:25 Marejeleo ya Msalaba

Matalikilo 20:11

Abulaamu wakakumbula ayi, “Ndakayeeya kwaamba ayi taaku muntu muno nabi womwi uloonda akulemeka Lesa alimwi batooncaya kwaamba ayi babwese mukaangu.

Matalikilo 20:2

uko wakaamba ayi Saala mukaakwe, ngunankashi yakwe. Aboobo Abimeleki mwaami wa Gela wakatuma bantu ayi balete Saala kuli nguwe.

Matalikilo 26:7

Ono basankwa bakooko na bamwiipusha pamukaakwe, wakalinga kubaambila ayi ngunankashi yakwe. Taakalinga kusumina ayi ngumukaakwe kuloonda ayi inga bamucaya mukuyanda kubwesa Labeka uyo wakalinga mubotu abuumbi.

1 Baami 19:3

Elija wakaloonda akuya kuBiyasheba mucishi ca Juda kwaamba ayi alifuune. Wakatola amusebenshi wakwe. Musebenshi wakaya mukumushiya uko kweenka,

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

Kulumbaisha 118:8

Ncibotu kuyuba muMwaami Lesa, kwiinda kucinka manungo mumuntu.

Kulumbaisha 119:117

Amuncatilile kwaamba ayi mfunwe, lyalo ndanookonkela milasho yanu lyoonse.

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Kulumbaisha 69:29

Nebo ndi mukutongela kunene abuumba. Ono nobaLesa, amumpulushe akunsumpula!

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 91:14

Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”

Tushimpi 16:20

Uyo woonse ukonkela milasho ulaakuswitilila. Ulicite coolwe uyo ucinka manungo muMwaami Lesa.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Tushimpi 28:25

Muntu mulyabi ngushikubalamuna nkondo, sombi uyo ucinkite manungo muMwaami Lesa ulaakuba acoolwe.

Tushimpi 30:5

“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Danyelo 6:23

Mwaami wakasangalala abuumbi akwaamba ayi Danyelo akushikwe mucilindi. Ndyaakakushikwa mucilindi ico, wakacanika ayi taacitewo cimenga nabi comwi ceebo wakacinka manungo muli Lesa wakwe.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 15:12

Lyalo bashikwiiya bakwe bakesa mukumwiipusha ayi, “Sa mulishi kwaamba ayi baFalisi tabakwe kukondwa ndibanyumfwa maswi anu?”

Luka 12:4

“Ntoomulwiita nobeensuma ayi mutanoloonda baabo bacayabo mubili, sombi taaku cimwi nceenga bacita.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

Boomboloshi 16:11

Samusoni wakamukumbula ayi, “Na ndaangwa ntambo shipya shitana kusebensaawo, inga ndabula nkusu akubabo bweenka mbuli bantu bamwi boonse.”

1 Samwelo 15:24

Mpomunyaawo Saulo wakaambila Samwelo ayi, “Ncakwiila ndabiisha. Ndasotoka shakaamba Mwaami Lesa alimwi amilasho yanu. Ndakaloonda bantu, aboobo ndakabanyumfwila.

1 Samwelo 21:13

Mpeeke wakalicinkushacinkusha pameenso abo kushikila ndyaakaswaako. Wakalinga kukwaloola pacisasa ca kumwinjililo akuleka mate kaapwelela pandesu.

1 Samwelo 27:1

Ono Defedi wakalyaamboosha mumoyo wakwe ayi, “Bumwi bushiku Saulo ulaakuncaya, taaku ceenda kubota kwiinda kulobokela kucishi ca bene Filisiti. Lyalo Saulo cilaakumulensha butolo kunyandoola kuli koonse mucishi ca Isilaeli. Munshila iyi ndaakufuna buumi bwangu.”

1 Samwelo 27:11

Defedi taakalinga kushiya musankwa nabi mwanakashi kutamucaya kwaamba ayi kubule uya kuGati mukwaamba nshaakalinga kucita abashilumamba bakwe. Ciindi coonse ncaakalinga kushiite mucishi ca bene Filisiti mbwaakalinga kucita bweenka ubo.