Tushimpi 29:23 - Baibo Busansulushi Bwa Libuku Ili

²³ Kulisumpula kulalengesha muntu kuwa, sombi kulibombya kulaleta bulemu.

Tushimpi 29:23 Marejeleo ya Msalaba

Jobo 22:29

Lesa ulabombya balisumpula alimwi akupulusha balibombya.

Jobo 40:12

Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.

Tushimpi 11:2

Na muntu walisumpula, ulalenshekwa nsoni cakufwambaana, sombi na waliceesha ulaba abusongo.

Tushimpi 15:33

Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Tushimpi 16:19

Ncintu cibotu kulibombya akuba mukandu kwiinda kuba womwi wa beshikulisumpula akunoobaanaabo shintu shakusaala.

Tushimpi 17:19

Uyo usuni bunene kwaambana ulisuni kubisha. Uyo ulisumpula ingayi utoolitambila kunyonyoolwa.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Obadiya 1:3

Kulisumpula kwa myoyo yanu kwamubeca. Mukwiinga mulekala mulilinga lya myaandami, alimwi ŋanda yanu ili peculu, mulaamba mumyoyo yanu ayi, ‘Ngani weenga watuboosha panshi?’

Mateyo 18:4

Aboobo uyo woonse ulibombya mbuli mwanike muniini uyu, ngomunene muBweene bwa kwiculu.

Mateyo 23:12

Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”