Tushimpi 29:18 - Baibo Busansulushi Bwa Libuku Ili

¹⁸ Kutaaku maswi abulaluki bantu balacileka kulilemeka, sombi ulicite coolwe uyo ukonkela milawo.

Tushimpi 29:18 Marejeleo ya Msalaba

2 Makani 28:19

Mwaami Lesa wakaleta mapensho kubene Juda mukwiinga Aasi mwaami wa bene Isilaeli wakaleka bene Juda ayi batolelele kubisha alimwi taakalinga kunyumfwila Mwaami Lesa.

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 119:1

Balicite coolwe abo bekala cakubula kampenda, abo bacita kweelana amilawo ya Mwaami Lesa.

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Kulumbaisha 19:11

Kulancenjesha nemusebenshi wanu. Ndatambula cilambu cinene kwiinda mukukukonkela.

Kulumbaisha 74:9

Shaankamiko shoonse shamana. Taaku balaluki bakacaalaawo. Taaku nabi womwi ushi nkweshi cikeele ici.

Kulonga 32:25

Mose wakabona ayi Aloni wakabaleka bantu ayi bacite bubi akulilensha nsoni pameenso a balwani babo.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Tushimpi 29:19

Musebenshi taakoonshi kunyumfwa kumwaambilabo, sobwe. Nabi wanyumfwa nshewamwaambila, teshi akashikonkeleewo.

Tushimpi 8:32

“Ono nobana bangu, amunkutike, balicite coolwe abo bakonkela nshila shangu.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

1 Samwelo 3:1

Muciindi ico mwanike Samwelo ndyaakalinga kusebensela Mwaami Lesa mubutanjilili bakwe Eli, maswi aswa kuli Lesa alimwi shili anga nshiloto shakalinga nshice.