15 Musako wakululikishako mwaana, ulamupa busongo, sombi mwaana ulya ulangwabo ulalensha banyina nsoni.
Defedi ishi taakwe kumupilinganya mukumwiipusha ayi, “Ino utoocitilanshi bobulya?” Adonija wakalinga musankwa mubotu ciwa abuumbi alimwi ngowakalinga kukonkela Abusalomu mukushalwa.
Utu ntushimpi tumwi twakwe Solomoni. Mwaana musongo ulasangalasha baishi, sombi mwaana muluya ulalensha buumba banyina.
Mwaana utebula shishango shakwe cilimo, ngumusongo, sombi uyo woona ciindi cakutebula ulalensha nsoni.
Uyo utoomi mwanaakwe amusako, ingayi taamusuniiwo, sombi uyo umusuni ulamululika.
Mwaana muluya ulalensha nsoni baishi, muntu na washala mwaana muluya ulaba abuumba.
Mwaana muluya ulalengesha baishi kuungumana alimwi akucisisha moyo banyina bakamushala.
Funda mwanaako kaacikonsheka kufundwa, utamulekeleli ayi akanyonyoolwe.
Buluya bulekala mumoyo wa mwanike, sombi na woomwa amusako, buleendela palaamfu.
Iisha mwaana nshila njaaelete kweendelamo, kwaamba ayi aakukomena atakaswiimo.
Lulika mwanaako musankwa ndyeshi akacileke kukupensha, lyalo ulaakukulengesha kusangalala.
Na muntu wayolosha musebenshi wakwe kuswa kumatalikilo, kumeelelesho ulaakupyana buboni bwakwe boonse.