Tushimpi 29:1 - Baibo Busansulushi Bwa Libuku Ili

¹ Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Tushimpi 29:1 Marejeleo ya Msalaba

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

1 Baami 20:42

Mpeeke mulaluki wakaambila mwaami ayi, “Mwaami Lesa waamba ayi, ‘Mukwiinga wakaleka muntu ngondakakwaambila ayi ukamucaaye kuloboka, webo bulya utoolipila buumi bwako. Abalo bashilumamba bako batoonyonyoolwa ceebo cakuleka bashilumamba bakwe kuloboka.’ ”

1 Baami 22:28

Mikaya wakaamba ayi, “Na mulaakuboola kamuli boomi, nkokwaamba ayi anu Mwaami Lesa taakwe kwaamba muli ndime!” Mpeeke wakatolelela kwaamba ayi, “Ishi nshendaamba mushilabilile noonse!”

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

2 Makani 33:10

Nabi Mwaami Lesa wakacenjesha Manase abantu bakwe boonse, bakakaka kukonkela ncaakalinga kubalwiita.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulonga 9:7

Kuswawaawo mwaami Falawo wakeepusha cakacitika, abalo bantu bakamulwiita ayi taaku cifubwa nabi comwi ca bene Isilaeli cafwa. Sombi mwaami Falawo wakacita cimpamya akukasha bene Isilaeli kuya.

Tushimpi 28:14

Ulicite coolwe muntu ulemeka Mwaami Lesa lyoonse, sombi uyo uyumya moyo ulalokela mumapensho.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Tushimpi 28:28

Na bamucita shibi babwesa bweendeleshi, bantu balaya mukuyuba, sombi bamucita shibi na baloba, baluleme balafula alimwi.

Tushimpi 6:15

Aboobo balo mapensho alaakubapulumukilabo akubanyonyoola cakwaamba ayi kulaakubula aubafuna.

Isaya 28:22

Ono anu amucileeke kucelebula, kwabula boobo ncetani shanu shitoolemenaawo. Nebo Mwaami Lesa, Mwaami Lesa Shinkusu shoonse wandwiita, ee, wandwiita shakunyonyoola nkwaabambite pacishi cino coonse.

Isaya 48:4

Ndakalinga kwishi kwaamba ayi mutooshininwabo ayi muli beshicimpamya. Mulicite myoyo iyumu anga nceela ca nshimbi. Ayalo mitwi yanu njiyumubo anga nceela ca bulonse.

Jelemiya 14:19

NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Jelemiya 17:23

Nakubi boobo balo tabakwe kunyumfwila nabi kubikako maano. Bakalinga beshicimpamya alimwi tebakalinga kunyumfwila nabi kusumina kululikwa kuli ndime.

Jelemiya 36:31

Ndaakukupa mulandu webo, bana bako abacinenenene bako ceebo ca shibiibi nshemwakacita. Bene Jelusalemu abene Juda ndaakubaletela mapensho oonse ngondakaamba kubaletela ceebo tabakwe kunyumfwila.’ ”

Abakuku 2:7

Ono cakuteengashila abo mbomwakakongolaako balaakukupolela akusesa. Balwani banu balaakwisa akumulengesha kututuma. Balaakusaala shintu shanu shoonse.

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Joni 13:26

Jesu wakakumbula ayi, “Ngooyo ngweshi mpe shinkwa uyu ndamana kubwenga.” Lyalo ndyaakamana kubwenga wakapa Judasi mwanaakwe Simoni Isikalyoti.

Milimo ya Batumwi 1:18

(Ono mumaali alya ngaakapekwa pacibi cilya ncaakacita, Judasi wakoolamo muunda umo mwaakawita panshi, wafwa akupasuka lifumo mala oonse aswita pansengwe.

Milimo ya Batumwi 1:25

kwaamba ayi abwese musena uyu wa butumwi, uyo wakashiya Judasi ndyaakaya kumusena umweelete.”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

1 Samwelo 2:25

Muntu na wabishisha muntunyina, Lesa inga wamucafwa. Ono na muntu wabishisha Mwaami Lesa, ngani weenga wamwiimikanina?” Nakubi boobo tabakwe kunyumfwila baishiwabo ceebo Mwaami Lesa wakalinga wacibamba kale ayi bafwe.

1 Samwelo 2:34

Ono Ofini aFineyasi, bana bako basankwa balaakufwa pabushiku bomwi. Ici cilaakukutondesha ayi shoonse nshendaamba shilaakucitika cancinencine.