Tushimpi 28:16 - Baibo Busansulushi Bwa Libuku Ili

¹⁶ Muleli utacite maano ulalela bantu calunkutwe, sombi uyo upatite bubile bwakucanina munshila shibiibi ulaakukala buumi bulaamfu.

Tushimpi 28:16 Marejeleo ya Msalaba

1 Baami 12:10

Balo bakakumbula ayi, “Bantu abo mukabakumbule ayi, ‘Kanyansa kangu nkanene kwiinda bukome bwa bata!’

1 Baami 12:14

mbuli mbobakalinga bamulwiita banikenyina. Wakaamba ayi, “Bata bakamupa mikuli ilemu, ono nebo ndaakwiindilishaawo apo. Bakalinga kumuumisha musako, sombi nebo ndaakunoomuumisha mutatula!”

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Isaya 3:12

Banike mbobatoolyatilila bantu bangu, banakashi mbobatoobalela. Nobantu bangu, bamatanjilili banu bamulubya. Ncakwiila bamupambusha munshila iluleme.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”