Tushimpi 23:5 - Baibo Busansulushi Bwa Libuku Ili

⁵ Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.

Tushimpi 23:5 Marejeleo ya Msalaba

Matalikilo 42:36

Ishiwabo wakabaambila ayi, “Sa mulisuni kwaamba ayi bana bangu boonse bamane kuluba. Josefu pakoomunabo, Simyoni alakwe, ono mutooyanda kutola aBenjameni. Nebo ndime mpengelaamo!”

Jobo 27:19

Uloona kaali mubile, sombi lilaba linkanda lyakweelaako. Ncakwiila na wapapuka ulacana palinga buboni bwakwe ngumusenabo.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Tushimpi 27:24

Ceebo buboni teshi bwaciindi coonse, nabi mushini tookalilili kwa mashalane oonse.

Shikushimikila 1:2

Wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 12:8

Shikushimikila wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 39:12

“Mubwese ukamulaame. Utamuciisi, sombi unoomucitila kulilabo ncaasenga.”

Mateyo 6:19

“Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Joni 2:16

Mukwiinga shoonse sha mucishi ca panshi, nkokwaamba ayi isho mubili nshookumbwa, shoonse bantu nshebakumbwa na bashibona alimwi asheesho shoonse shilengesha bantu kulisumpula, tashiswi kuli Ishiwesu, sombi shilaswa mucishi ca panshi.