Tushimpi 21:31 - Baibo Busansulushi Bwa Libuku Ili

³¹ Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Tushimpi 21:31 Marejeleo ya Msalaba

2 Samwelo 23:12

Sombi Shama lakwe wakeemikana pakati ka muunda akuufuna. Wakacaya bene Filisiti baanji ceebo Mwaami Lesa wakamulengesha kukoma cikankamika.

Kulumbaisha 144:10

Ndaakwiimbila ndimwe nomupa nkusu shakukoma kubamaami, ee, mwebo nomupulusha neDefedi musebenshi wanu kuswa kumupeeni walufu.

Kulumbaisha 147:10

Lakwe taasangalalili munkusu sha liaki. Taasangalalili mubashilumamba beshinkusu.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Kulumbaisha 20:8

Balo balaceeshekwa akukomwa, sombi swebo tulasumpuka akushimpa.

Kulumbaisha 3:3

Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

Kulumbaisha 3:8

Ncakwiila kukoma kulaswabo kuMwaami Lesa, ono aape coolwe bantu bakwe.

Kulumbaisha 68:20

Lesa wesu, nguLesa upulusha, Mwaami Lesa Shinkusu shoonse ngoolengesha ayi tukonshe kuyuba lufu.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Jelemiya 3:23

Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.

1 Bene Kolinto 15:57

Sombi aalumbwe Lesa wakalengesha ayi tukome kwiinda muMwaami wesu Jesu Klistu.