Tushimpi 21:20 - Baibo Busansulushi Bwa Libuku Ili

²⁰ Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.

Tushimpi 21:20 Marejeleo ya Msalaba

Jobo 20:15

Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.

Jobo 20:18

Teshi akacibonewo cakusangalala mububile mbwaakayuwila. Ndushinisho teshi akakondweleemo amumpindu ya makwebo akwe.

Kulumbaisha 112:3

Bamuŋanda yakwe balaakuba abuboni buunji, ndushinisho bamuŋanda yakwe balaakunooluleme lyoonse alyoonse.

Kulumbaisha 23:5

Mwebo mulamambila shakulya balwani bangu kabambwene. Mulantambula akumpa bulemu bwa muntu wakatambwa kukusekelela, alimwi akususha nkomeshi yangu cakusempooka.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Tushimpi 14:24

Bubile ncilambu ca basongo, sombi buluya bulashala buluyanyina.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Tushimpi 8:21

Ndaya bupa bubile kuli baabo bansuni akuya bususha maanda akusungilamo buboni.

Shikushimikila 10:19

Kusekelela kulalengesha kuseka, waini ulasangalasha moyo, sombi maali ngaaleta shoonse ishi.

Shikushimikila 5:19

Paceebo ceeco na Lesa wapa muntu bubile abuboni akumulengesha kwaamba ayi asangalale muli nshisho, ulyeelete kulumba akusangalala mushintu nshaakayuwila. Ici ncipo kuswa kuli Lesa.

Shikushimikila 7:11

Busongo mbubotu anga mbuboni bwakupyana mukwiinga bulacafwa baabo bacili boomi.

Jelemiya 41:8

Sombi bali likumi bakaambila Ishimaeli ayi, “Utatucaayi swebo! Tulicite witi, bale, mafuta a olifi alimwi abuuci shishisitwe mumuunda.” Aboobo balo wakabaleka taakwe kubacaila pantu pomwi ababyaabo, sobwe.

Mateyo 25:8

Lyalo bamyooye baluya bakaambila babyabo bacenjete ayi, ‘Amutucafweko mafuta anu ceebo malampi esu atooyanda kushimika.’

Luka 15:14

Ndyaakamana kunyonyoola buboni, mucishi ico mwakaba nsala inene abuumbi, lyalo wakatalika kupenga.

Luka 16:1

Jesu wakaambila bashikwiiya bakwe ayi, “Kwakalinga musankwa mubile wakalinga kucite shikulama buboni. Bantu bakaluula muntu uyo ayi utoonyonyoola buboni bwakwe.

Luka 6:45

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.