Tushimpi 21:13 - Baibo Busansulushi Bwa Libuku Ili

¹³ Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Tushimpi 21:13 Marejeleo ya Msalaba

Neyemiya 5:13

Mpeeke ndakafutula nkomwe shangu akwaamba ayi, “Munshila yeenka iyi muntu uli woonse uyo weshi akabule kucita kweelana ambwaashomesha, Lesa mbweshi akacite kuli nguwe. Ulaakumunyaya maandaanu ashintu shoonse nshemucite alimwi ulaakumushiya maansaabo.” Bantu boonse bakakumbula ayi, “Ameni!” Mpeeke bakalumbaisha Mwaami Lesa akucita kweelana ambobakashomesha.

Jobo 29:12

ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Kulumbaisha 18:41

Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.

Kulumbaisha 58:4

Balicite buyoka anga mbwa nsoka iine. Ee, anga mbwakwe fumbe uyo ushinkite matwi.

Tushimpi 1:28

“Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.

Tushimpi 28:27

Uyo upako bakandu taaku nceshi akapenge, sombi uyo ushinshibata ababona, ulaakushinganwa ciine.

Mateyo 6:14

“Ceebo na mwalekelela bamwi shibiibi shabo, alakwe Ishiwanu uli kwiculu ulaakumulekelela amwebo.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Luka 13:25

Mpomunyaawo mwine ŋanda ulaakunyamuka akucalaako kumulyango. Lyalo mulaakwiimikana akutalika kukonkoonsha akwaamba ayi, ‘Amutucalwiteeko nkambo!’ Sombi lakwe ulaakumukumbula ayi, ‘Nshishi ankomwaswita!’

Milimo ya Batumwi 7:57

Mpomunyaawo beendeleshi ba nkuta bakoolobesha akushinka mumatwi. Paciindi ceenka ico, boonse bakamufukukila.

1 Joni 3:17

Na mubile wabona umwi utacite shiyandika mubuumi, sombi wabula kumucafwa, inga waamba buyani ayi lusuno lwakwe Lesa luli muli nguwe?