Tushimpi 19:12 - Baibo Busansulushi Bwa Libuku Ili

¹² Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Tushimpi 19:12 Marejeleo ya Msalaba

Matalikilo 27:28

Lesa aakupe mume kuswa kwiculu akulengesha myuunda yako kuba amboleshi! Aakupe shili anga ngamaila shiinji awaini uunji.

2 Samwelo 23:4

ulabala anga ngumumuni wa macuunsa, ee, mumuni wa macuunsa ndikubula makumbi. Uli anga ngumumuni umenesha bwiisu imfula ndyeemana kuloka.’

Esita 1:12

Sombi basebenshi ndibakamwaambila ico cakaamba mwaami, Fashiti wakakaka. Aboobo mwaami wakakalala abuumbi.

Esita 7:8

Ono mwaami ndyaakapiluka kuswa mumuunda, Amani nceciindi ncakalinga kuliwaala pakalinga kushiite Esita. Lyalo mwaami wakaamba ayi, “Sa uyu muntu ulisuni akusekanya mukaangu pameenso angu, muŋanda yangu ya bwaami?” Mwaami ndyaakaambabo maswi aya, basankwa ba mwaami bakacaikwa lushalo bakafweka Amani kumeenso.

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Kulumbaisha 72:6

Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Shikushimikila 8:4

Cintu ceenga caamba mwaami cilaba bweenka ubo ceebo ulicite nkusu, ino ngani weenga wamwaambila ayi, “Nciinshi ncemutoocita nobaami?”

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.