Tushimpi 18:24 - Baibo Busansulushi Bwa Libuku Ili

²⁴ Kuli beshishibusa baliboneshabo ayi mulanyumfwana, sombi inga kakuli womwi ngoonyumfwanaakwe kwiinda amukwanu.

Tushimpi 18:24 Marejeleo ya Msalaba

2 Samwelo 1:26

“Jonasani mukwesu wancisa abuumbi kumoyo, mukwiinga ndalinga kukusuni abuumbi. Lusuno lwako kuli ndime lwalinga kukondelesha abuumbi, lwalinga kukondelesha kwiinda aloolo lwa balutundu.

2 Samwelo 15:21

Sombi Itayi wakakumbula mwaami Defedi ayi, “Bweenka mbocibete lushinisho ayi Mwaami Lesa ngumuumi, alimwi ayi mwebo nkambo nobaami bangu muli boomi, ncakwiila anebo nemusebenshi wanu ntooya kuli koonse mwebo nkambo nobaami bangu nkweshi muye nacibi kwaamba ayi cilaamba buumi nabi lufu.”

2 Samwelo 16:17

Mpeeke Abusalomu wakeepusha Ushayi ayi, “Sa ono bulya ingayi ndusuno ulu nduwatondesha kumubyo Defedi? Ino tookwe kuyitanshi anguwe?”

2 Samwelo 21:7

Ono mwaami Defedi wakalekelela Mefibosheti mwanaakwe Jonasani, mwishikulu wakwe Saulo ceebo cakushomeshanya cakulumbila uko lakwe aJonasani, mwanaakwe Saulo, nkobakacita pameenso aMwaami Lesa.

Tushimpi 17:17

Shicibusa ulasuna mubye ciindi coonse. Mukwanu wakashalilwa kukucafwa mumapensho.

Tushimpi 27:10

Utasuuli mubyo amubyaabo baiso alimwi na waba amapensho utanoocicila kumukwanu. Ncibotu kuya kuli shikamukobonyoko uli pafwaafwi kwiinda kuya kumukwanu uli kulaamfu.

Tushimpi 27:9

Mafuta anunkila kabotu abweema bukondelesha shilasangalasha moyo wa muntu, mbweeke ubo mbocinyumfwika kupandwa maano kumuntu ngoosunenaankwe.

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.