Tushimpi 18:22 - Baibo Busansulushi Bwa Libuku Ili

²² Uyo ucana mwanakashi wakweeba, ulacana cintu cibotu alimwi Mwaami Lesa ulamunyumfwila nkumbu.

Tushimpi 18:22 Marejeleo ya Msalaba

Matalikilo 2:18

Ono Mwaami Lesa wakaamba ayi, “Tacibete kabotu musankwa kwikala eenka. Ntoomupangila shikumucafwa umweelete.”

Matalikilo 24:67

Mpeeke Isaki wakenjisha Labeka mutente yakalinga koonaamo Saala, banyina, lyalo wakamweeba. Isaki wakalinga kumusuni Labeka abuumbi, aboobo wakacileka kuyeeya banyina bakafwa.

Matalikilo 29:28

Jakobo wakasumina alimwi ndiyakamana nsondo yakusekelela bwiinga, Labani wakamupa Lakelo mwanaakwe ayi eebe.

Tushimpi 12:4

Mwanakashi ucite mibo ibotu uli anga ngumushini kuli ibaye, sombi mwanakashi ulensha nsoni ibaye uli anga mbulwashi bwa mumafuwa kuli nguwe.

Tushimpi 19:14

Muntu ulakonsha kupyana buboni bwa bashali bakwe boonse, sombi mwanakashi ucenjete ncipo ciswa kuMwaami Lesa.

Tushimpi 3:4

Lyalo Lesa abantu balaakusangalala pali ndiwe alimwi ulaakuba ampuuwo ibotu.

Tushimpi 8:35

Aboobo uyo woonse ucana ndime, ulacana buumi, Mwaami Lesa alakwe ulaakumupa shoolwe.

Shikushimikila 9:9

Sangalala mubuumi amukaako uyo ngoosuni munshiku shoonse sha buumi bwako ubo butaaku mbobubete alimwi ubo bwakakupa Lesa pacishi cino. Usangalale mubushiku bomwi abomwi ubo butaaku mbobubete ceebo ico ncecilambu cako ciswa mukuyuwaana kwako pano pacishi ca panshi.

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

1 Bene Kolinto 7:2

Ono ceebo cakuloonda bufuule musankwa woonse ulyeelete kuba amukaakwe, alakwe mwanakashi ayibaye.

Lute 4:10

Kwiilikaawo apo, Lute mwine Moabu wakalinga muka Maloni mulobe, waba mukaangu. Ici citoolengesha ayi buboni bwa mulobe bunoocili mumaansa a bamuŋanda yakwe. Bamulunyungu lwakwe abalo bananooshiite pakati ka beshikamukowa wakwe, nkokwaamba ayi mundabala umo mweenka Maloni mwaakalinga kwikala. Mwebo muli bakamboni bangu sunu!”