Tushimpi 18:19 - Baibo Busansulushi Bwa Libuku Ili

¹⁹ Mubyo na wamucafwa ulababo anga nindabala icite lilinga liyumu. Sombi kwaambana kulibo anga nimpingilo sha sheela kumwinjililo.

Tushimpi 18:19 Marejeleo ya Msalaba

Matalikilo 37:11

Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.

2 Samwelo 13:22

Mpeeke Abusalomu wakapata Amunoni cakutaambooshanyaawo napaceyi ceebo cakusebaanya Tama nankashi yakwe.

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

1 Baami 12:16

Bantu ndibakabona kwaamba ayi mwaami teshi abanyumfwile, bakoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli amuboolele kumaanda anu! Amuleke wamulunyungu lwakwe Defedi alibonene!” Munshila iyi bene Isilaeli bakakaka Leoboamu kuba mwaami wabo.

2 Makani 13:17

Abija abashilumamba bakwe bakacaya bashilumamba bene Isilaeli baanji, nkokwaamba ayi bakacaya bashilumamba bali 500,000 bacibwene kulwana.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 18:18

Kuuma cisolo nkokusutula kupikishanya alimwi nkokupansaanya beshikupikishanya.

Tushimpi 18:20

Maswi aswa mumulomo wa muntu, ngweeshi kuca kwa nshiku shakwe shili kunembo. Ncakwiila nshaabona shilaswa mukwaamba kwa mulomo wakwe mwiine.

Tushimpi 6:19

kamboni mubeshi alimwi amuntu shikuleta lupato pakati ka baabo banyumfwana.

Milimo ya Batumwi 15:39

Mpomunyaawo bakapikishanya abuumbi akupansaana. Lyalo Banabasi wakaya aMaako mubwaato bunene kuSaipulasi.

1 Samwelo 17:28

Ono Eliyabu munene wakwe Defedi ndyaakanyumfwa ayi atoobandika abasankwa abo, wakamukalalila akwaamba ayi, “Ino wesitaanshi kuno? Ono washiila baani mbelele muluyanga shilya nshoobwenebo ayi nshiniini? Nditushi tumiyeeyo twako alimwi akubica kwa moyo wako. Bulya wesabo mukweebela nkondo.”